|
روز عاشورا سالون یاده حسینین کربلاسین سوسوز دین اوسته یتمیش بیر فداسین او صحراده گوزل قانی حسینین بو دینین ایلدی محکم بناسین حسینین محشری یاددان چیخاتدی قیامتدن قیامت ماجراسین خلیل الله گلیدی بیر گوریدی خلیل کربلا کوه مناسین هانی هاجر گلوب تصدیق ایدیدی مقام عشقده لیلا وفاسین سوسوز قربان وئروب دین مبینه على اکبر کیمی بیر مه لقاسین گلنده قانلی نعشی خیمه گاهه پوزولدی عترت طاها و یاسین قیام ائتدی قیامت خیمه لرده آچاندا شاه دین یئرده عباسین ال آتدی ساچلارین یولدی خانملار اوجاتدی گویلره شور و نواسین او ساعت اُمّ لیلا غشّدیدی گتوردی حاله کیم اکبر آناسین آنا گلدی اوغول نعشینه باخدی توکوب رخساره اشگ پر بهاسین علینین اؤپدی بیر قانلی یوزوندن اَله صبریله گتدی حق رضاسین الین زُلفین یوزون قانه باتوردی یانان قلبینده گیزلتدی صداسین او ساعتدن امان قولسوز یئر اوسته حسینین یخدیلار صاحب لواسین قالوب بیر باش نچه جلاد الینده گورون بی رحم دشمنلر جفاسین الینده اصغری پیغمبر اوغلی قوشوندان ایلدی سو التماسین او طفلی ائتدیلر قانیله سیراب باشیندان اصغر آتدی سو هواسین عزیز فاطمه آتدان دوشنده بروزه وئردی دشمنلر جفاسین او قدری ووردیلار داش نیزه خنجر آپاردی قان وجودیندن قواسین کسنده شمر حسین باشین قفادن دوتولدی گون کسوب یئردن ضیاسین قرا یل لر اسوب قان یاغدى گویدن اوجاتدی زینب عرشه وا اخاسین قالوب نعشی یئر اوسته قانلی باشی مزیّن ایلدی شمرین جداسین دایان (( صحاف )) الینده یاندی خامه داخی یازما شهادت ماجراسین ****** مرحوم صحاف تبریزی برچسبها: محمدحسین جنتی صحاف
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
