|
در مدح حضرت ابوالفضل (ع) سرلوحه احسان و کرامت دی اباالفضل دریای وفا کان شجاعت دی اباالفضل گلواژه زیبای دیانت دی اباالفضل الگوی شرف اسوه غیرت دی اباالفضل **** عباس نه عباس یل حیدر کرار عباس نه عباس حسینه دل و دلدار عباس نه عباس اوجا بویلی علمدار تندیس کرم عین شرافتدی اباالفضل عباس دیمه گوهر دریای شرفدی عباس دیمه لولوء و مرجانه صدفدی عباس دیمه تالی سلطان نجفدی حیدر مثلی صاحب ستوتدی اباالفضل عباس آلوب شیوه احسانی حسن دن عباس مرام اوسته گیچوب باشیله تن دن عباس حمایت ایله دی شاه زمن دن سیمای خوش راد و مروت دی ابالفضل جان لشگر اسلامین او سردارینه قربان ام البنین اوغلی شه دین یارینه قربان اربابیمیزین قولسیز علمدارینه قربان چون حمزه کیمین صاحب صولتدی اباالفضل غملر گتیموشدی آقانون قلبینی تنگه اولموشدی نشانه ئوره گی تیر و خدنگه اذن آلدی حسیندن یتشوب عرصه جنگه شام اهلی گوروب کوه صلابتدی اباالفضل سسلندی که ای لشگر بی دین و مزوَّر عباس منم یار حسین زاده حیدر سقای لب عطشان گلستان پیمبر آگاه اولون عین حقیقتدی اباالفضل اوچ گوندی حسین خیمه لری غرق نوادی اوچ گوندی سوسوز عترت سلطان هدادی صوت العطش ساطع اولوب سمت سمادی بو مطلبه خاطردی خجالتدی اباالفضل ای لشگر کین جود و کرم کانی حسیندی هم غیرت و حیثیتین ارکانی حسیندی حیدر بالاسی فاطمه نین جانی حسیندی بیر بیله بویوک شاهه رعیتدی اباالفضل ****** ودود آذرین خلخال برچسبها: ودود آذرین خلخال
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
