‍ زبانحال امام حسین (ع) در بالین برادر

(سبک : بزم عزاده گیمیشم )

سنسیز چوخالدی قلبده غملریم قارداش

قالدی بئلیمده عاقبت اللریم قارداش

آرخام ایلیم سیندی بلیم وای علمداریم

****

دعواده ئولسه بیر شهین گر علمداری

بازوسی قوّتدن دوشر ئولسه سرداری

سنسیر منه حمله ایدر کوفه اشراری

گیتدی باشیمدان بیر به بیر لشگریم قارداش

یاتما بو قان ایچره اویان آچ گوزون قارداش

آخر گئجه اولدی بو گون گوندوزوم قارداش

بیر بیر بیان ایله منه وار سوزون قارداش

قانیاش توکر رخساریمه گوزلریم قارداش

جاریدی یوزده گوز یاشیم قالموشام یالقوز

سنسیز کیمیله آغلاشیم قالموشام یالقوز

وردیم اولوب وای قارداشیم قالموشام یالقوز

نیلوم دلیمده اولموسان ازبریم قارداش

جنگ ایتموسن از بس بو گون اولموسان خسته

یورقون دوشوبسن یوخ سوزوم دیللن آهسته

قارداش یارالی باشوی قوی دیزیم اوسته

سیلسون گوزوندن لخته قان اللریم قارداش

یاندرما قارداشون بیله سوز آهوندان

قارداش بو نه قاندور آخور سجده گاهوندان

زهرا آنام عطری گلور قتلگاهوندان

دیداریوه گلمیش یقین مادریم قارداش

یوخدور بولورسن بیر نفر یار و انصاریم

قالدى علم یرده ئولور چون علمداریم

کیمدور گله امدادیمه یوخ هواداریم

نه واردی قاسم نه قالوب اکبریم قارداش

گر چه باتوبسان سر به سر یوخ سوزوم قانه

رحم ایله قارداش دور گیداخ بو پریشانه

زینب باجیم ایندی گلر قانلی میدانه

بیز گئتمه ساق ایندی گلر خواهریم قارداش

آخر نئجه سنسیز گیدوم من پریشانم

لشگر شماتت ایلوری دیده گریانم

الدن گیدوب یاورلریم باغرى القانم

قالمور کومکلوق ایلین یاوریم قارداش

دوشدی بلایه گور نئجه بو باشیم ایوای

یوزده آخوب نقش ایلوری گوز یاشیم ایوای

وردیم اولار سندن صورا قارداشیم ایوای

دوشدی باشمدان خورد اولوب افسریم قارداش

ای شیر حقین مظهری حیدر ثانی

الوان ایدوبدور صورتون باشوین قانی

جلوه ایدر گوزده آتام قارداشیم جانی

گویا دوشوب محرابیده حیدریم قارداش

******

حاج حسین حسنی تبریزی


برچسب‌ها: حسین حسنی افشرد
+ نوشته شده در  سه شنبه ۲۱ اسفند ۱۴۰۳ساعت   توسط حاج محمد محمد قاسمی  |