|
نوحه خروج از قتلگاه سنه جانیم فدا قارداش دور ای درده دوا قارداش گئدورم کوفه و شامه منی ایله دعا قارداش حسینیم نور عینیم وای (۲) حسینیم وای ، حسینیم وای (۲) **** گئدورم کربلادن من بو دشت پر بلادن من نئجه بس ال اوزوم سندن گئدیم قانلی منادن من حسینیم نور عینیم وای (۲) حسینیم وای ، حسینیم وای (۲) یاتوب قولسوز علمدارون سپهدارون مدد کارون کنار نهر علقمده یاتوب غیرتلی سردارون حسینیم نور عینیم وای (۲) حسینیم وای ، حسینیم وای (۲) باتوب قانه ملک منظر شبیه ختم پیغمبر اونی اخیامه تا گتدون دئدون لایلای علی اکبر حسینیم نور عینیم وای (۲) حسینیم وای ، حسینیم وای (۲) عروس قاسمیم آغلار قرا معجر باشا باغلار تئزه داماده باخدوقجا ائدر ناله ئورک داغلار حسینیم نور عینیم وای (۲) حسینیم وای ، حسینیم وای (۲) یانار غملی رباب آغلار اولار قلبی کباب آغلار اونون احوالینه قارداش گول آغلار هم گلاب آغلار حسینیم نور عینیم وای (۲) حسینیم وای ، حسینیم وای (۲) خیامی شمر یاندیردی سنی قانه بویاندیردی جنازون اوسته آتلاری جفائیله دولاندیردی حسینیم نور عینیم وای (۲) حسینیم وای ، حسینیم وای (۲) حسینیم وای سسی باتماز حسینچی عشقووی آتماز جهان تا واردی آی قارداش قالار برپا علم یاتماز حسینیم نور عینیم وای (۲) حسینیم وای ، حسینیم وای (۲) سوزوم اوستونده من قاللام یزیدی تختیدن ساللام یزید فتنه جودن من حسین جان انتقام آللام حسینیم نور عینیم وای (۲) حسینیم وای ، حسینیم وای (۲) ****** کربلایی حسن طیبان میانجی برچسبها: حسن طیبان میانجی
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
