|
سوال و جواب حضرت رقیه(س) و حضرت ابوالفضل(ع) رقیه(س) قلبیم آلیشور دل دوداقیم یاندی عموجان دشمن ستمیندن ، ئورگیم قاندی عموجان خیردا بالالار خیمه ده عطشاندی عموجان الله منی قوئماز بو نتائج قاپوسوندان مأیوس ائلمز باب الحوائج قاپوسوندان ابوالفضل (ع) جان جان بالا یاندیرما منی دیده ترم من امدادیوه بو چولده عزیزیم ، گلرم من باخدوقجا سوسوز لبلره گوز یاش الرم من من باب الحوائج لقبم ساقی ، طفلان شرمنده منی ایلمز الله بالالاردان رقیه(س) گوردوم باشینا خیمه ده قاره سالوب عمه م تا آغلامیشوق دوریمیزی تِئز آلوب عمه م الله ئوزی شاهد دی نه حاله قالوب عمه م گوز یاشینی عمه م ، عموجان بس نیه سیلمور؟ علت ندی پوزقوندی ، ربابه باخا بیلمور؟ ابوالفضل (ع) شیرین دیلیوه سویلُویَر عرش اهلی ماشالله خیردا بالالار زینبه وابسته دی والله اهلِ خی یَمه ، عمه وی چوخ گورمسین الله اصغر ملشور عمه ن ، اولوب دیده سی گریان باخدوقجا ربابه ئورگیندن آخوری قان رقیه(س) تعریف ائلییوم غملریمون من هاراسیندان؟ بیر منظره گوردوم علی اصغر آناسیندان یوخدور صودی ، شرمنده اولوبدی بالاسیندان ششماهه بَلکده مَلشور سینه سی داغلی دلسیز بالانین اللری قالدی نیه باغلی؟ ابوالفضل (ع) بو سوزلرین الله بیلوری قلبیمه اوخدی سقا عموُ وُون درد و غم و محنتی چوخدی یوخ خیمه ده سو، هَمده ربابین صودی یوخدی علت بودی عمه ن گوزونون یاشینی سیلمور اصغر ال ایاق چالسا ، آناسی دوزه بیلمور رقیه(س) ایوای عمو عرشه اوجالوب آه و فغانیم احوالیمه باخ ، تشنه لبم ، یوخدی توانیم بیر سوز سوروشوم سندن ای آرامش جانیم تا گلدی ربابین آدی آخدی نیه اشگون؟ سقای حرمسن ! نیه بس بوشدی سو مشگون؟ ابوالفضل (ع) بوش مشگیمه چوخ باخما قیزیم اودلانیرام من شرمنده یم ، اصغردن اودور که یانیرام من زهرانین عروسین چوخ حیالی تانیرام من خلوتده باخور اصغره ایوای بالا سسلور تا اهل حرمندن گورور ، ایوای آقا سسلور رقیه(س) ای ساقی طفلان ، نیه بو حاله قالوبسان؟ حالین پوزولوب ، قلبیمیزی درده سالوبسان من بیر گیجه گوردوم یوخودا ، نهری آلوبسان قطعاً بیلورم دوشسه یولون نهر ِ فراته مشگین سویون احسان اِئلرن کُلّ بناته ابوالفضل (ع) نازلی بالا ، مشگیم گوروسن خالیدی والله بو طرزِ نگاهین منه ، معنالیدی والله عباسی پوزان زینبین احوالیدی والله سن امر ائلدون ! نهر فراته گیدرم من سالم یتیشم اصغری ، سیراب ائدرم من ****** بهلول حبیبی زنجانی برچسبها: بهلول حبیبی زنجانی
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
