|
شهادت حضرت علی اکبر (ع) قلجلاندی چو میداندا علیّ اکبرون باشی یاریلدی تازه دن گویا ولیّ داورون باشی یتیشدی بیر ستم گستر باشندان بیرقلج ویردی قلج دگدی باشندان چکدی دعوادن الین دوردی او ضربت حضرت پیغمبرون قلبینی سندیردی آچوب باشین قالوب عمامه سیز پیغمبرون باشی دگوب یاره علی اکبرون باشینه ظاهرده ایدوب تأثیر قلب حضرت زهرایه آخرده دیدی جان ای اوغول سنسیز علی اولسون بو خاطرده که اولدی قاره معجرلی بتول اطهرون باشی آخوب باشیندان القانی گیدوبدور طاقت و صبری اولوبدور کعبه ی مقصوده زایر اولماقا فکری عقابین خیمییه دوندردی دیلده یا حسین ذکری دیردی گل بابا آخر ویروب یوز غملرون باشی باشی اوستونده دورموب قویدی باش زین عقاب اوسته دوزولدی قانی مرجان تک او زلف مُشکناب اوسته بساط غم قورولدی شورش اولدی نه حجاب اوسته قاریشدی ماتمه جبریل حیّ داورون باشی اوزی لب تشنه گون ایسّی اولوبدور دل کباب اولدم بدن قان تر ایچینده قان آخوب اولدی اورک برهم یوزین تر باسدی گول اوسته دوزولدی گوئیا شبنم گوروبدور گول یوزین خاره یتوب بلبلرون باشی او دم دورموشدی بیرعورت باخوب اول هایله هویه ساتاشدی گوزلری بیر زخمدار آهوی مَه رویه گلوب دوتدی عقابیندن دیدی گلمه تک و پویه خزان اولموش یاراندان غنچه غنچه گوللرون باشی گوزون هیچ آچموسان آلقان دوتوبدورگوزلرون از بس آچاندا گوز ندندی خیمه سمتینه بارخارسان سن دیدی قلبیمی یاندیردون واریمدور بیر آنام بیکس قالوبدور غم دیزنده لیلی بی یاورون باشی دیدی غم ایتمه لیلایه سنی ایندی یتوررم من دی آیا وار آناندان غیریسی یا اینکه بیکس سن دیدی وار بیر باجوم ایندی ایدر مندن اوتور شیون دلینده آدیم ازبردور دِئیَر هر سوزلرون باشی بو سوزده بیر لعین یعقوب آدلی تا نظر ایتدی دیدی من بو جوانی قویمارام گتسون الیم یتدی چکوب خنجر علی اکبرون قلبین نشان ایتدی پیمبردن خجالت چکمیوب کافرلرون باشی ویروب خنجر علی اکبرون قلبین ایدوب پاره کسیلدی چاره سی آتدان یئره دوشدی او مه پاره باخاردی خیمیه گویا باباسی ایلسون چاره دیدی گل ای بابا یاندی او قلب انورون باشی اَسوب باد ستم ناره گولون ظلمیله صولدوردی منی محو ایتمگه جامین اجل ساقی سی دولدوردی آدی یعقوب اولان بو دشتده بیر یوسف ئولدوردی خریداری اولوب قاتل الینده خنجرون باشی بابا گل پیر کنعان تک ایشون فریاد و آه ایله توکوب بوگوز یاشون کرب و بلانی مثل چاه ایله دوشوبدور یوسفون زندان هجره بیر نگاه ایله اولوب سرگرم غم ((غمناک)) زاره مضطرون باشی ******* مرحوم محمد تقی فرهادی (غمناک تبریزی)
برچسبها: محمدتقی فرهادی غمناک
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
