|
وداع امام حسین (ع) قان آغلارام حسینون او آخر وداسینه خیردا بالالارین اوجالان آه و واسینه ناکام ئولر بو دهریده هر کیمسه گئتمسه تقوا لباسیلن آقامین کربلاسینه یا رب حسین گلور ائده آخر وداع سینی تسلیم ائده وصیّتینی اقرباسینه یوز گوز یارالی قانی آخیر ذوالجناحیدن قان آغلیور ملک لر حسینون نواسینه زینب ائشیتدی نعره سسین اولدی مضطرب تئز چیخدی خیمدن ایشیه غم صداسینه گلدی دایاندی خیمه قباقینده قارداشی بیر باخدی دشت کربلانین فضاسینه زینب باخاندا قارداشینا دولدی گوزلری یاندی غمینده قارداشینین ماجراسینه قارداش گلوب بیانه ائدوب زینبه خطاب ائتدی اشاره فاطمه نون غم لباسینه امر ایلدی بالالاری یغ دوره مه باجی واقف اولوبدور قارداشینین ادّعاسینه یغدی بالالاری باشنا خسرو هدا آماده ائتدی اوللاری کفرون بلاسینه نازلی رقیه سین گتوروب باسدی باغرینا آهسته آتدی ال او قیزین گوشواراسینه آغلار گوزیله خیردا بالا ایلدی خطاب ال ویرما اکبرین گُهر پُر بهاسینه امر یالدی بالاسینه اول سرور گرام ای بی خبر اولان سورانین ابتلاسینه بوللار گرک چیخا قالا سالم قولاقلارین باعث اولار قولاقلاریوین چوخ یاراسینه حاصل چخاتدی نازلی قیزین گوشواره سین آماده ائتدی اهل شقاوت جفاسینه هر قیز ئوز اللریله چیخاتدی قولاقیدن گوشواره سین وئروبدور هره ئوز آناسینه آیرلدی بیر به بیر بالالاردان او دلغمین ورمویوم آتدی گوزوندن هر نئیی الله رضاسینه یوز دوتدی زینبه دئدی ای با وفا باجی ای جانینی فدا وئرن عشقین بلاسینه چوخ گویلوم ایستیور باجی سجادیمی گورم گل بیر گیداخ باجی بالامین غم سراسینه بیر سوز دئدی او دم باجیسی زینب آغلادی قان آغلارام دئدی بالامون یوخ دواسینه بو رسمیدور گئدنده مریضه عیادته الده گرک طعام آپارا خوش صفاسینه ایکاش اولیدی ای باجی سجاده بیر جرعه سو بیر جرعه سو دوا اولی حتما شفاسینه دنیایه اوف اولا آتانون بوشدی اللری سو اولمادی دوا آپارا گل بالاسینه حاصل دوشدی زینب حسینین قباقینه یوز قویدولار او خیمیة عشق آشناسینه سجاد ائشیتدی خیمیه مظلوم آتام گلور تئز دوردی تکیه ائتدی الینده عصاسینه وارد اولاندا خیمیه مظلوم کربلا حسرتله باخدی گوز دولوسی مه لقاسینه آغلار گوریله اولدولا مخیمده قول بویون قان آغلادی اوغول گوزی مظلوم آتاسینه بیر بیر سوروشدی یتمیش ایکی فردیدن خبر هر تک تکی گئدوب دئدی دینون فداسینه سسلندی عَین عَمِیَّل العباس ای بابا امر ائتدی بی خبر سن عمون ماجراسینه علقم کناره سینده دوشوب پیکری ولی بولمم دوشوبدی قوللاری دشتین هاراسینه چوخ اضطرابیلن سوروشوب اکبرین حالین سویلوبدی باخ اوغول بئلیمین خم نماسینه قوی یورمویوم سنی بالا سن سن فقط قالان منده گرک گئدم اولارین رهنماسینه غملرمندن صورا بالالاری چوخ قویما آغلاسین یان غملرینده نار غمه حق رضاسینه سجادیلن وداع ائلدی چیخدی خیمه دن دیلدن بالانی وئردی امانت خداسینه بزم مٌحن قورولدی حسین ایلدی وداع سیر اولمادی فلک باخ اونون اشتهاسینه بیر غملی عورت اوردا دایانمیشدی بسته رو شرم ایلیوردی گلسون او دم بزم عزاسینه امر ایلدی حسین اورگی داغلی زینبه زینب خبر وئر اصغرین آغلار آناسینه واضحدی محرمیدی حسینه خانم رباب محرم دگُل رباب مگر ئوز آقاسینه زینبدن ایلوردی حیا همسر حسین جانلار فدا او غملی ربابین حیاسینه وآیریلدی بیر به بیر هامیدان زینب آغلادی یوز قویدی جنگه عشق شهادته هواسینه بیر قیز دوزنمدی بابانین هجرینه او دم قاشدی قاباقدا دوردی باخوب یول اوسته قراسینه گوردی گلور باباسی آت اوستونده خسته دل مشغولیدور او لحظه ده حتی دعاسینه سالدی ئوزون او خیردا بالا آت قباقینه ناگه حسین گوزی ساتاشوب دلرباسینه سسلندی اَن مَسن یره من گئتمرم بالا اَن بیر یره یتیش بالاوین آه و واسینه اولدی پیاده آلدی قوجاقه بالاسینی یر گوی قان آغلیوردی چولون ماجراسینه هی التماس ائدور باباسین بلکه قیتره باخمور ولی باباسی گورور التماسینه چوخ آغلادی قوجاقدا او دُردانه یوخلادی آغلاتدی قدسیانی او قیز ئوز نواسینه چوخ گئشمدی آچوب هیجانیله گوزین دوردی ایاقه سویلدی عطشان باباسینه دور گئتگیلن بابا داخی من کسمرم یولون آماده ام چولون مُحن نا روا سینه امر ایلدی قیزیم ده گوروم ماجرا ندور لبیک سویلدون یوخودا کیم نداسینه چوخ خواهش ایلدیم سنه من قویمادون گئدم سن گلمدون اوره کده کی عشقین سخاسینه قربان اولوم او پارچالانان لبلره ن ئوزوم همراز ائله منی اورگین اختفاسینه آغلار گوزیله سویلدی ای نازنین بالا چکمیشدی غم منی یوخودا ابتلاسینه رویاده همدم اولدی منه بیر خانم بابا یاندی دیلیم اونون بئلینین انحناسینه باشیمه قویدی صول الینی توکدی گوز یاشین قویموشدی ساغ الین سینه سینده یاراسینه کیمسن دئدیم خانم دئدی شهبانوی حجاز ائتدی اشاره ئوز آتاسی مصطفاسینه زهرا منم قابیر قاسی سینمش بویوک ننه ن بیر بیر تانیتدیربدی منی آل یاسینه دور گئتگلن دئدی یولوی گوزلوری بی بین ایستیر بابان قوناق گئده ئوز مرتضاسینه چوخ معطل ائتمه دور باباون اشگیلن یولون وقتین گئچیتمه قوی گئده عشقین مناسینه من ایلدیم بابا آنامین سوزلرین قبول ایمدی زمانه نین دوزررم هر بلاسینه آخر زماندا گل بابا بیرده قوجاقلاشاق آل قلبی قان قیزون سینه وین اتکاسینه آچدی دوباره قوللارینی سالدی بوینونا بیر سوز دئدی او دم گوزل مه لقاسینه شامین خرابه سینده بالا انتظاریوم مرحم قویام ایاقلاریوین هر یاراسینه ****** ابراهیم کاظمی برچسبها: ابراهیم کاظمی مرندی
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
