|
زبانحال حضرت ابوالفضل (ع) قربان کَسَن زماندا قربانه سو ورللر عطشانم ای جماعت عطشانه سو ورللر ای شام و کوفه اهلی وی لشگر جفا جو شرم ایلیون سیز الله مردانه لیق دگول بو قربان راه حقّم لب تشنه ام ورون سو ذبح ایلین زماندا قربانه سو ورللر سیز عمرمون بهارین وئردوز دم خزانه اوّل سو مشگین ائتدوز اوز تیروزه نشانه الده سو جامی قیزلار ایندی گلوب فغانه رحم ایلیون جماعت عطشانه سو ورللر قوللار قلم یارالی پیکر دوشوب کمنده بی حس اولور وجودیم شمشیرلروز اَننده اوخ ویرمیون دوباره یوخ طاقتیم بدنده قلبیم یانور سوسوزدان سوزانه سو ورللر سقای تشنه گانم لب تشنه ام اوزومده سو مشگیم اوخلانوب اوخ مسکن دوتوب گوزومده دوغرانسا قطعه قطعه جسمیم وارام سوزومده شرعاً بودور سوسوزدان کیم یانه سو ورللر قوی اللریم کسیلسون حقین لواسی قالسون قوللار گیدوب رضایم الله رضاسی قالسون قارداشیمون سوسوزدان دیل سیز بالاسی قالسون قویساز اگر آپارسا هر یانه سو ورللر مرد حقیقتم من حق سایه سی باشیمدا خنجرلروز دوتوب یر منیم ایکی قاشیمدا اسلامه سر سپاهم سلطاندی قارداشیمدا کفره اگر دیسم سو سلطانه سو ورللر سیز باغلادوز فراتی اولاد مصطفایه اَل ویرمیسوز بو چولده فکره گلن جفایه ساقی منیم آتام دور ایندی گلر هرایه کوثردن ای جماعت الآنه سو ورللر قرآن منیم کتابیم قرآنه قربان اولدوم جانانمین یولوندا جانانه قربان اولدوم ناحق یره بویاندیم القانه قربان اولدوم قربان کَسَن زماندا قربانه سو ورللر ای سر سپاه اسلام صاحب لوا ابوالفضل الدن دوتان الیوه جانلار فدا ابوالفضل سن یار با وفاسن ای با وفا ابوالفضل لطف ایله گل دیار ایرانه سو ورللر ای شیر داور اوغلی وی دینه یاور اوغلی ای شاه لا فتانون شیر غضنفر اوغلی ام البنین زارین ای ناز پرور اوغلی سقائیدون دیردون عطشانه سو ورللر ویروک قسم یارالی سردار کربلایه الله امام عصری گوندر گله هرایه رزمندگان قرآن وورمیش صدا صدایه اسلام سایه سینده انسانه سو ورللر ای درد بی دوانین درمانی الله الله ساخلا حمایتینده ایرانی الله الله ایرانیانه حاکم قرآنی الله الله قرآن دیر جهاندا کیم یانه سو ورللر یاز شعرون ای (( امینی)) ور دفترون صفاسین چنگ توسلینده آل دردیوین دواسین رزمندگان قرآن امید آل یاسین نخلان دین حق و قرآنه سو ورللر ****** حاج رسول امینیان (امینی خوی) برچسبها: رسول امینیان امینی خوئی
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
