|
نوحه خانم زینب (س) در وفات حضرت رقیه (س) قلبیم دوتوب شراره الله رقیّم ئولدی ایله بو درده چاره الله رقیّم ئولدی من بیر اسیره عورت ایلدن اوزاق وطن یوخ غربت ولایت ایچره احوالمی بولن یوخ تابوت و تخته پاره غساله یوخ کفن یوخ یوخدور قویان مزاره الله رقیّم ئولدی یوخ بیر دِیَن یزیده ای معدن شقاوت ئولدی بالام رقیه ایت حالنی رعایت امر ایت طنابین آچسون بو فرقة ضلالت وار قوللاریمدا یاره الله رقیّم ئولدی عباسه بیر دِیَن یوخ فوری اوزون یتورسون قارداش بالاسی ئولدی الده کفن گتورسون یردن بالاجا نعشین اجلالیه گوتورسون حمل ایلسون مزاره الله رقیّم ئولدی آیا بو شهر ایچینده یوخ بیر نفر مسلمان معصومه بیر یتیمدی ویرانه ده ویروب جان یانمور بو حاله بیر کس یوخدور بولاردا وجدان دوزدی غم و فشاره الله رقیّم ئولدی گئت ای صبا حجازه ایله بو درده چاره عرض ایله آل هاشم گلسونله بو دیاره قویسونلا بو یتیمون گول جسمینی مزاره ائلدن دوشن کناره الله رقیّم ئولدی نسگللرین بو طفلین سالدوقجا من خیاله حسرتله اشگ دیده م جاری اولور جماله قمچیلر آلتدا ئولدی بو دختر سه ساله أوف بیله روزگاره الله رقیّم ئولدی من زینبم سوزوم یوخ غم آتشینده یاننام سلم اولموشام قضایه هر محنته دایاننام گر قارداشیم سوروشسا نولدی بالام اوتاننام یوخ چاره اعتذاره الله رقیّم ئولدی ای کاش گلستاندا گوللر خزان اولیدی نه عیش ایدیدی بلبل نه باغری قان اولیدی نه زجر شمر و خولی نه ساربان اولیدی گل یاندی جوره خاره الله رقیّم ئولدی مدتدی ذکرون اولموش یا کربلا (( کریمی )) ایسته خدادن ایتسون توفیق عطا (( کریمی )) گیت شامه زینبیله اول همصدا (( کریمی )) قلبیم دوتوب شراره الله رقیّم ئولدی ****** حسین کریمی برچسبها: حسین کریمی مراغه ای
+ نوشته شده در سه شنبه ۲۱ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
