|
افتادن حضرت سیدالشهدا (ع) از ذوالجناح مرکب اوستن تا یخلدی حجت رحمان یره قویدی آننین سجدیه اول شاه مظلومان یره تا دوشوب آتدان یره اول فخر اولاد خلیل جوشه گلدی جنت اعلاده نهر سلسبیل تیتردی ارکان عرش حضرت رب الجلیل نازل اولدی حاملان عرش جاویدان یره موجه گلدی بحر غم طوفان ائدیبدور اول زمان هول و وحشتدن اوجالدی ناله کرو بیان گوئیا غرق اولدی جمله فرشیان و عرشیان کشتی دین سیندی یا رب گلدی کشتیبان یره دوشدی توپراقه عزیز حضرت ختمی مآب جنت ایچره قلب زهرانی ائدوب بو غم کباب گوئیا جبریل ائدیبدور عرشیدن فرشه شتاب شهپرین آچدی او پیک حضرت سبحان یره قانلی جسمین سینه اوسته آلوب روح الامین جمع اولوبدور ساق صولوندا انبیا و مرسلین خنجر الده ناگهان گوردی گلور شمر لعین گوز یاشین توکدی مثال بارش نیسان یره بسکه دوتموشدی گوزون قان ، باخمادی پیغمبره چکمه سیله بیر تکان وئردی عزیز حیدره شاه مظلومانی دوندردی یوزی اوسته یره عدنیدن زهرانی گتدی دیده سی گریان یره خنجر فولادی چکدی یرلر ائتدی زلزله بو عملدن سالدی افلاکه بیر آیری ولوله ظلمیله تندن آیردی ، باشینی آلدی اله توکدی ثاراللهی اول خونخوار و بی ایمان یره نیزیه ووردی حسینون باشینی اول بی حیا ایلدی بو غمده زهرانین ایشین داد و نوا ایلمه یا رب اونی قعر جهنمدن جدا سالدی بو ایشدن او ظالم آتش سوزان یره دفتره اود ووردی خامه ، یازما (( شیدا )) مطلبی آغلا بو غمده حسینه هر زمان روز و شبی بیرده اولسا حاجتون صدقیله زینبی قوخما قویماز نوکرون دوشسون سوزی ، بیر آن یره ****** محمدرضا صادقی برچسبها: محمدرضا صادقی شیدا
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
