|
حالات حضرت رباب (س) در مدینه یثربده گیجه م تک گونوزوم قاره دور اصغر محنت اثریندن ئورگیم یاره دور اصغر هئچ اوخلانان آهو یاراسیندا سنه چاتماز هیچ اوغلی ئولن بیر آنا اوغلوم سنه چاتماز صیادلر آهویه که چوللرده چاتالّار بو رسمیدی قاچسا اونا فوراً اوخ آتالّار وورمازلا فرار ایلمسه زنده دوتالّار هیچ ظلم ایلین حرملیه ظلمده چاتماز هیچ اوچی اوغول قاچمیان آهویه اوخ آتماز هیچ تشنه لبون آهین اوجاتمازلا سو اوسته سیراب ایلیوب فوری یوباتمازلا سو اوسته هیچ بیر صود امر طفله اوخ آتمازلا سو اوسته بیر مرد قوی دیلسیز اوشاقه طرف اولماز نازک بوغاز اوچ شعبه خدنگه هدف اولماز قویموش غم و دردون منی گوز یاشلی وطنده روحیم یورولوب خسته دی بو خسته بدنده ایکاش او گون منده ئولیدوم سن ئولنده روح عالمی روحون منیلن تئز بارشیدی تپراقیم اوغول خاک شفایه قارشیدی عمریم نقدر وار یاشارام صحن سراده سس سیز یانارام آتش جانسوز جفاده جسمیم اریور بوطۀ اندوه و بلاده رغبتله ئولونجه سوآ من باخمارام اوغلوم زلفیمه وروب شانه حنا یاخمارام اوغلوم گر چه منه دیلر بو قدر آغلاماق اولماز هر گون شرر آهیله دل داغلاماق اولماز بلموللر آخان گوز یاشنی ساخلاماق اولماز بلموللر آنون صبح و مسا آغلاسا دویماز بلمولّه قرا گونلی قرا رختنی سویماز گورسم آنالار نازیله اوز اوغلنی ساخلار زینت ایدوب آغوشنه زلفینی داراخلار گورسم سو کنارینده دوشوب ماهی چالیخلار روحیم قوشی پروازه گلر غم بوداقندا گورّم ال ایاق چالماقووی گوز قباقندا گورسم صود امر دلسیز اوشاقی صود امنده تیترر ئورگیم یادیمه سالّام سنی منده صودسیز یولا سالدوم سنی میدانه گیدنده اولسیدی صودیم آغلاماقون فکرین آتاردون گهواره ده لای لای دیجگین فوری یاتاردون خوش گون منه سندن صورا بیر امردی دشوار هر ثانیه فکرونده وارام تا نفسیم وار هر لحظه ده دیلدن چکورم آه شرر بار یاسدان چیخام اولماز منی مظلومیه ممکن محنتلی گونیم قورتارار عمریم قوتاران گون گوندوزلری عمر ایلیورم گون قباقندا اما گیجه خاموشم حیاطین بوجاقندا رنگیم قارالیب قاره کنیزلر سیاقندا غم غصه انیسیمدی اوزوم دیده پر آبم دیداره گلنلر منی بلمولّه ربابم ذلّتلی گونی من کیمی گورمز هیچ عزیزه بختیمله فلک گور نقدر ائتدی ستیزه گوردی منی قارداشلاریم اوخشاتدی کنیزه چوخ خواهش اولار ایتدی قبول ایتمدوم اوغلوم یالواردیلار هر قدری گیدک گئتمدوم اوغلوم شاهددى مقاتلده اولان عمده خبرلر اثبات وفا ائتدى او بانوی مطهّر روحی بدنیندن چیخانیجان دیدی اصغر نه سدّ غمی سیل سرشکی یخا بیلدی نه کولگه یئره کچدی نه یاسدان چیخا بیلدی تائید ائلیور زینب أوزی بو جریانی چیخدوم که وضو ایلمگه صبح زمانی بو منظره دن قلبمون آرتدی هیجانی گوردوم علی اصغر آناسی زار و شکسته اللر ئورگی اوسته دوشوب تپراقون اوسته پوزدی منیم احوالیمی گوردوم پوزولوبدی یاتمازدی دیدوم یاتماقنا علّت اولوبدی چوخ آغلیوب حتماً بو گیجه چوخ یورولوبدی گلدوم باشی اوسته چاغورام راز و نیازه مشغول اولا محراب عبادتده نمازه سسلندوم اویان ای هدف محنت عظما بو وقت نمازوندی دگل موسم رؤیا هی منتظر اولدوم گوز آچا آچمادی اما بلدوم گل عمرین اجلون خاری بلوبدی یاتمش ابدی یوخ نفسی چوخدان ئولوبدی (( انور )) گزوسن دائمی پیک اجلیله مغرور ابداً أولماگلان عمر قلیله روشن اولاجاق قبر ائوی یاخشی عملیله ظلمت ائوه هر کیمسه چراغ یولّاسا خوشدور وای اول کسه یوخ خیر عملی اللری بوشدور ****** مرحوم انور اردبیلی برچسبها: انور اردبیلی
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
