|
زبانحال امام حسین (ع) در بالین حضرت ابوالفضل (ع) (سبک : کجایید ای شهیدان خدایی) ئولوبدی یاوریم قارداش ابوالفضل قان آغلار گوزلریم قارداش ابوالفضل وزیرِ دفتریم قارداش ابوالفضل دور ای غم پروریم قارداش ابوالفضل امیر لشگریم قارداش ابوالفضل سینان باشدان آخور قان قاشون اوسته قالو بدور ابر تک قان یاشون اوسته دگوبدور عُمر جامی داشون اوسته الیم بئلده یارالی باشون اوسته آخور اشگ تریم قارداش ابوالفضل حسینون اوج ائدوب عرشه نواسی ئولر گییمز ولی ذلّت لباسی توکر اشکین دلینده وا اخاسی گوزل اسمون اولوب ، اسمون فداسی دیلیمده ازبریم قارداش ابوالفضل داغیلدی دین یولوندا عزّ و جاهیم شهادت شربتین ایچدی سپاهیم یوخومدی دادرس چون باتدی ماهیم سسیمه سس وئر ای پشت و پناهیم اویان نام آوریم قارداش ابوالفضل عقابوندن دوشوبسن گئتموسن خیز بو السیز جسمی دشمن ائتدی ریز ریز اولوندی یاره لر گول برگ آویز بو چولده قالمیشام تنها کومکسیز داخی یوخ یاوریم قارداش ابوالفضل دوشوبدور گلشنیم ذوق و صفادن حرملر چکمز ال آه و نوادن سنون مرگون منی سالدی قوادن گلوب هر سمتیدن اهل جفادن دولوب دور و بریم قارداش ابوالفضل بو چولده موج ائدوب بحر مصیبت غمونده دولدوروب آفاقی محنت حسینم بیکسم ای کان غیرت دور آل شمشیر اله ایله حمایت منیم تاج سریم قارداش ابوالفضل سنی گورّم سالوب دشمن حصاره ویروبدی هر گلن بو جسمه یاره اولوبسان پیکروندن پاره پاره چکر بو حاله باخدوقجا شراره بو قلب مضطریم قارداش ابوالفضل اویاندا جان وئروب اصغر یارالی بویاندا وار گوله بنزر یارالی او گولدور خاریله پرپر یارالی دوشوب بیر سمتیده پیکر یارالی علی و اکبریم قارداش ابوالفضل موفق اولماسون بو اشقیانی آتوبلار قلبیدن مهر و وفانی بیزه گوستردیلر ظلم و جفانی الیمدن آلدیلار سن تک جوانی بو گون مه پیکریم قارداش ابوالفضل بیر اللّهدان منیم وار التماسیم فدای حق اولام یوخدور هراسیم اولار سندن صورا غارت لباسیم نه وار اوغلوم علی اکبر نه قاسیم نه عون و جعفریم قارداش ابوالفضل فدای دین اولوب افرادیم ئولدی جوان کورپه ایکی اولادیم ئولدی بیلورسن قامت شمشادیم ئولدی طویی یاسه دونن دامادیم ئولدی سینوب بال و پریم قارداش ابوالفضل قیام ائتدوک گوزل بو انقلابه طرفداروک همیشه بیز کتابه سالوب محنت حسینی پیچ و تابه سن ئولدون باغلانار محکم طنابه بلالی خواهریم قارداش ابوالفضل گرک طاعت ائدک امر خدایه وئرک عشقینده اجلالی فنایه اچاق عزتله یول دار بقایه سن ئولدون گون کیمی نوک جدایه کئچر قانلی سریم قارداش ابوالفضل حرم اهلی قان آغلاردی حرمده او ماتمده ائدوب شرکت ننه مده منی غرق ائتدیلر بحر المده سن ئولدون باشلانوب خرگاه غمده بو چولده محشریم قارداش ابوالفضل گلوب ماتم دوتا ختم رسالت اولوب همراه اونا شاه ولایت بو احواله حسینده یوخدی طاقت سن ئولدون ای همای برج همت توکولدی شهپریم قارداش ابوالفضل (( فصیحی )) باتدی بو غمده ملاله توکر گوز یاش یانار بو قیل و قاله دیر ایوای باتان بدر کماله سن ئولدون (( نجمی )) قان آغلار بو حاله اولوبلار نوکریم قارداش ابوالفضل ***** فصیحی تضمین از کلام مرحوم نجمی تبریزی برچسبها: بلال فصیحی زاده
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
