|
احوالات اربعین یوللارین یورقونلاری کرب و بلایه گلدیلر بیر پریشان قافله قانلی منایه گلدیلر کربلاده یوز وئریب زائر لره آماج غم مرکب اوستوندن سالور بیر بیر اوزون اهل حرم تپراق اوستونده سوروندی بیر خانم یدّی قدم تل زینبدن انوب سعی و صفایه گلدیلر یوللارین یورقونلاری کرب و بلایه گلدیلر هر بیری گوز گزدیروب آخیردا تاپدی اوز گُلون رنج خاره صبر ائدن گول تاپدی اوردا سویگُلون جور اغیاری چکن یاره دانیشدی مشگولون سس سسه اهل حرم وئردی هرایه گلدیلر یوللارین یورقونلاری کرب و بلایه گلدیلر سوزیلن آغلور بیری ایلور هامی قلبی کباب سسلنیر ای وای بالا وای اصغریم غملی رباب قالمیوبدی آیریلیقدان قلبیلرده ذرّه تاب اوغلی ئولن لر جمله سی دشت بلایه گلدیلر یوللارین یورقونلاری کرب و بلایه گلدیلر قویدولارتپراقلار اوسته قمچی دگمیش باشلارین اوپدولر کرب و بلانین قانه باتمیش داشلارین سسلنور بعضی سی اوغلون بعضی سی قارداشلارین کربلاده غملی لر نی تک نوایه گلدیلر یوللارین یورقونلاری کرب و بلایه گلدیلر زینب و کلثوم اوزون سالدی حسینین قبرینه یاغماقا فرصت وئریب گوزلر او دولقون ابرینه عرض ائدیب احسن ملک لر ایکّی خواهر صبرینه نینواده غملی لر نی تک نوایه گلدیلر یوللارین یورقونلاری کرب و بلایه گلدیلر عرض ائدوب زینب حسینجان حقّه دائم بنده یم قیز لارین گلدی سفردن اونلارین دلبندی یم حیف اولا نازلی رقیّه ن دن حسین شرمنده یم قیزلارین ظلمون الیندن آه و وایه گلدیلر یوللارین یورقونلاری کرب و بلایه گلدیلر یا حسین بیر اربعین ائیله بیزی باهم قوناق معرفت وئر بیزلره تا نار عشقینده یاناق آیری یاندا یوخ حسینجان درگهینده قوی سیناق تا (( ولایی)) لار گوراخ هاردان هارایه گلدیلر یوللارین یورقونلاری کرب و بلایه گلدیلر ****** سید ناصر ولائی زنجانی برچسبها: سیدناصر ولائی
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
