|
زبانحال حضرت سیدالشهدا(ع) دربالین حضرت علی اکبر (ع) اکبر ای گوزلریم ضیاسی سرو قد قامتون فداسی طاقتم یوخ دورام ایاقه دور اوغول اول الیم عصاسی گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) اولماز آهو بیله خُتنده سالدی صیادیلر کمنده جسموه اوخ قلج ویروبلار لاله تک گول آچوب چمنده گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) جسموه ایلورم نظاره یاره لر گلموری شماره بنذیر افلاکه قانلی جسمون صف به صف سان ویرور ستاره گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) آچ گوزون سرو قد جوانیم عرشه اوج ایلوری فغانیم گل دیله من دیلون فداسی بیر بیله نازه یوخ توانیم گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) دور گیداخ آغلاسون خیمده سینه سین داغلاسون خیمده معجریله آنان یارالی باشیوی باغلاسون خیمده گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) گر چه یوخ قلبده توانیم قانینه باتدی نوجوانیم باشه اوز عهدیمی یتوردوم خاتمه تاپدی امتحانیم گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) سن قوری یرده سرو قامت یاتمسان جسمده جراحت باشون اوستونده آغلورام من اَل چالور لشگر شقاوت گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) لطف ایله یاحسین (( پرنده )) گل باشی اوسته جان ویرنده دم ویر عیسی نفس دوباره مطلعی ذکر ایده ئولنده گون ایوینده یارالسان یاتما اویان دور گیداخ خیمده یولون گوزلور آنان علی اکبر گل پرپر (۲) ****** حاج محمد پرند برچسبها: حاج محمد پرند
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
