|
خروج امام حسین (ع) از مکه مکرمه الده قلم نه وار گینه ذوق و صفا یازار حتماً رموز عشقه اولوب آشنا یازار عشق عالمی نه دور او یولی سیر ایدن بولر عاشق اودور ئورک سوزونی بر ملا یازار بیر پر شکسته بولبوله تشبیه ایدر ئوزون غم گوشه سینده نی کیمی ایلر نوا یازار شوریده عندلیب کیمی شورین آرتورار گول عشقینه عزیز وجودین فنا یازار گول صحبتی گلنده اوجالدار نواسینی بولمز فراق محنتی خار جفا یازار من عاشقم که بیر گوله گلزار عشقیده وار مینلریله بولبولی نوحه سرا یازار آدی حسیندی سویگلیدی حیّ داوره شرح غمینده کلک مصیبت بُکا یازار ناقص قویوبدی کعبه ده اعمال حجّینی عزم اراده سی ، سفر کربلا یازار کوه مناده کسمدی قربان او مقتدا تکمیل حج اتماقا سعی و صفا یازار آلدی نظرده بیت خدا احترامینی فتوای قتلینی گوروب اهل جفا یازار قانین توکرله قالسا او یئرده یقین ایدوب برنامه ی خروجین او میر هدا یازار وئرجک خبر حرملرینه کوچ صحبتین آل عبانی درد و غمه مبتلا یازار بولدی محمد ابن علی کوچ ایدور حسین گوزدن آخان سرشکی یوزه وا اخا یازار دوتدی مهار ناقه سینی توکدی گوز یاشین هر قطره سینده صورته بیر ماجرا یازار عرض ایلدی حسین بئله ترک ایتمه کعبه نی قارداش بو گیتماقون سنه چوخ ابتلا یازار چوخ نامه لر یازوب سنه کوفه جماعتی کوفیلری چون اهل قلم بی وفا یازار گئتمه توکرله قانوی چوخ بی وفادیلر یوخدور وفالری اولار اهل جفادیلر بیوری ایستیوب ئولمیش گوره منی یکتا گرک گیدم بویانا قانیمه به امر خدا دئدی که قارداش حسین امریدور سنه بو سفر نیه مخدّره لر سنله کربلایه گیدر جواب ویردی منیم عترتیم اسیر اولاجاق بیوک کیچیک هاموسی شمره دستگیر اولاجاق دیوب بو سوزلری بیت خدانی ترک ایتدی او یئرده قافله یوللاندی دورمادی گیتدی ایضلاً آیریلدی کعبه دن خلف ختم الانبیا ناقص قویوبدی حجّینی محزون دوشوب یولا سمت عراقه باشلادی یول کاروان غم محمل نشین اولوب هاموسی آل مصطفا میر حرم حرملرینی راحت ایلیوب چوخ امنیله گئدردی خواتین کبریا اطرافینی آلوبلا جوانان بنی هاشمی ایلولّه طاعت امرینه بیر نچه مه لقا زینب مینیب وقاریله زردوز محمله محملده اگلشوب دیه سن خیره النّساء دین پرچمین وفالی ابوالفضله تاپشوروب محمللره کیشیکدی ئوزی پور مرتضا کوچ ایلینده کعبه دن اولاد بو تراب کرب و بلایه کعبه ائدیدی بیله خطاب فخر ایله کربلا سنه مهمان گلور حسین یورقوندی احترام ایله ، یولدان گلور حسین ناقص قویوبدی کعبه ده اعمال حجّینی تکمیل ایده اودور که شتابان گلور حسین کوه مناده اولمادی فرصت فدا وئره کسسون منای عشقیده قربان گلور حسین شوقیله یتمیش ایکی نفر تشنه لب فدا جانان یولوندا بذل ایده لر جان گلور حسین قربانلارین که عازم قربانگه ایلیوب بیر بیر ویره فدا لرینه سان گلور حسین بو دین حقّه اصغرینی ایلسون فدا وئرسون الست عهدینه پایان گلور حسین عشق عالمینده ترک ایدوب ئوز خانمانینی عشّاق عالمی گویا حیران گلور حسین اهل و عیالینی گوتوروب دوشدی چوللره تاپسون رواج ، دینیله قرآن گلور حسین محملده سسلینده بابا خیرداجا قیزلاری هر قیز بابا دینده ، دیور جان گلور حسین اطرافینی آلوبدی جوانان بنی هاشمی حافظدی دوره سینده جوانان گلور حسین الده علم اونیله گئدور پور مرتضا عباس باوفادی نگهبان ، گلور حسین زینبده قارداشیله گیدور ، همسفردیلر یثرب وطندی ، گور هارا هاردان گلور حسین فکری بودور که ایلیه اسلامی پایدار اولسون او یئرده قانینه غلطان گلور حسین آغلار گوزیله (( احمدیان )) ایسته آل برات عرض ایله نوکرون سنه مهمان گلور حسین ****** حاج اصغر احمدیان خسرو شاهی برچسبها: اصغر احمدیان خسروشاهی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
