|
خروج از مدینه القصه او گون قافله ی غم یولا دوشدی ایجاد ایلیوب شهرده ماتم یولا دوشدی گئچدی قباقا اولدی علمدار ابوالفضل آلدی اله بیر قرمزی پرچم یولا دوشدی ظاهرده حجاز اهلینی قویدی گوزی یاشلی در دانه ی پیغمبر اکرم یولا دوشدی باطنده ولی قلبی او سینمشدی حسینین علت اودی لطفین ایلدی کم یولا دوشدی مردان بنی هاشم حسین ابن علی لن ویردی هامیسی ال اله باهم یولا دوشدی بیر ماه بنی هاشم ابوالفضلدی بیر ده خیردا بالالار دوردی چو انجم یولا دوشدی وقت تنگیدی قربانگه عشقین هوسینده بنیانگر ایام محرم یولا دوشدی قربان کسیلن وقته ویرللر سو ذبیحه دوردی هوس چشمه ی زمزم یولا دوشدی اوّل قدمین ناحیه ی کعبیه قویدی بیر کس دیمدی خیر اولا مقدم یولا دوشدی بیر ده بونی فکر ایتدی که حج فیضینه چاتسا الدن چیخاجاق فیض معظم یولا دوشدی بیر قافله که فعلاً او نون مثلی جهاندا اولموبدی نظر لرده مجسم یولا دوشدی آتلار هامیسی با هم ایاقین که گوتوردی آهنگ سفر چالدی منظم یولا دوشدی بو فلسفه ی عشقی هر عاشق اوخویانماز استادیدی چون شاه دو عالم یولا دوشدی پیمان الست الده حسین عشقیله قیلدی دانشکده ی عشقه مصمم یولا دوشدی اغیار باخوب قافلیه گولدی قیتدی دلداده لرین دیده سی پرنم یولا دوشدی قرآن اوخونوب لحن حجازیله یول اوسته شاهنشه دین اولدی مقوّم یولا دوشدی ****** حاج رسول امینیان ( امینی خویی) برچسبها: رسول امینیان امینی خوئی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
