|
نوحه حضرت علی اصغر (س) زبانحال امام (ع) الهی قانه غرق اولوب الیمده صود امر بالام یته سنون وصالووه توکردی اشک تر بالام بیچوب بوغازین سه شعبه پیکان الیمون اوسته وئروب بالام جان کسوردی طاقتین عطش یانوردی صود امر بالام ز بس چالوردی ال ایاق آناسی وئردی سو آلام بوغازینی بیچوبدی اوخ گرک جهانه اود سالام الیمده ایندی مغربه ستاره تک سوزر بالام ایچوبدی قانین چاتوبدی کامه نئجه آپارام بونی خیامه گوزتلیور بونون یولون خیمده عترت رسول آناسی خیمه گاهیده فراقیله اولوب ملول کرمله ای خدای من بو قربانی ائله قبول که ائوده راحت ئولمگی بیلوبدی دردسر بالام بو حق یولوندا یتوب مراده آلوبدی کامین بو نینواده منای غمده ای خدا چاتوبدی غملی مرحله منی قیامته کیمی کباب ائدر بو مسئله هدفدن انّی اوخ سئچوب بو شیر خواره حرمله دوتوبدی اوخ نفس یولون اولوبدی جان بسر بالام قفسده روحی دوشوبدی بنده باخوب یانورام بو طفله منده وئروبله جان کمک لریم سنون یولوندا ای کریم بویاندی قانه قاسم و حبیب و عون و جعفریم سنون او اکبر آدیوه فدا اولوبدی اکبریم وئروبدی جانینی اولوب بهشته مستقر بالام او شبه طاها بویاندی قانه حضور یاره اولوب روانه گرک بو چولده قان وئرم ئوزومده دین احمده گئدم یارالی جسمیله حضور پاک اب جده گرک جناندا عرض ائدم بئله او جد امجده الیمده باتدی قانینه منیم او صود امر بالام وئروبدی رونق بو دینه قانی الیمون اوسته چیخوبدی جانی ****** محمد تقائی برچسبها: محمد تقائی اردبیلی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
