|
راه شام – دیر راهب ای غربت اؤلکه ده ویلان اولان حسین نصرانی دیرینه مهمان اولان حسین ای نینوا چولین قانی ائدن منا مال و عیال دن جاندان گچن آقا دست جفائیله کرب و بلا آرا اجناس خیمه سی تالان اولان حسین قربان اولاق سنون پوزقون جلالیوه پوزقون جلالیوه افسرده حالیوه قاندان خضاب اولان گلگون جمالیوه ای غرق آهنِ پیکان اولان حسین ویردون اوجا علم دنیای عشقده سیر ایلدون عجب صحرای عشقده حقون رضاسینه مینای عشقده شهزاده اکبری قربان اولان حسین من آغلارام سنون آخر زمانیوه قاتل سو وئرمدی تشنه لبانیوه قان زخمدن آخوب دولدی دهانیوه ای بیر ایچیم سوئی آلقان اولان حسین بیرده من آغلارام طفل حزینووه باشسیز سنی گوروب چسب اولدی سینووه قمچی دگن زمان نازلو سکینووه سر نیزده باشی گریان اولان حسین دنیایه بیلدیرن غملی حکایتین تاریخه یازدیران شرح مصیبتین اولادی سیر ائدن دشمن ولایتین چوللرده زینبی نالان اولان حسین منزل ائدن گهی خاک تنورده ویرانه کوفه ده شهر شرورده گه چوب ظلمیله بزم غرورده قانیله لبلری الوان اولان حسین ای دائم آغلادان زهرانی ناله سی دینه وئرن رواج قرآنینون سسی راه دمشقده نالان اولان سسی صندوق دیردن تالان اولان حسین شرحین یازوم اونون هانسی ملالی نون قانلو دوداقینون پژمرده حالی نون حکم یزیدیله اهل و عیالی نون شام ایچره منزلی ویران اولان حسین تقصیر (( یحیوی )) حدّن گئچوب اگر باب حسین ده وار اسمی نوحه گر هول جهیمدن لاشک خلاص ائدر محشرده شافعِ عصیان اولان حسین ****** مرحوم یحیوی اردبیلی
برچسبها: عباسقلی یحیوی اردبیلی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
