|
اربعین حسینی ای قبر پاکی زینت ارض و سما حسین اولسون بو قبر پاکیوه زینب فدا حسین ای دین یولوندا بذل ایلیین هر نه وارینی قربان ایدن بو مکتبه انصار و یارینی لب تشنه حق یولوندا ویرن شیر خوارینی دلدن ویرن تمام قضایه رضا حسین کرب و بلاده چیخدون عجب امتحانیدن گیچدون بو امتحانیده باشیله جانیدن تک باش و جان نه بلکه هامی خانمانیدن ائوز عهدیوه بو عرصه ده ایتدون وفا حسین باشدان تمام عالم امکانی آتموسان عشقون یولوندا مقصد و مقصوده چاتموسان اوز قانویله بیرق دینی اوجاتموسان هرگز جهاندا یاتمیاجاق بو لوا حسین باش اگمدون زمانه ده قوم ظلامه سن کسدی اودور کی باشیوی ظلمیله اهرمن حقی جداده عالمه سن ایلدون علن ایتدون جهاندا باطلی حقدن جدا حسین سن کی نئجه باش اگمدون عالمده دشمنه زینب باجوندا دلدن ایدوب اقتدا سنه دشمن جفاسی ایتمه دی ذرّه اثر منه فرض ایلدیم مصیبتی عشق و صفا حسین سعی ایلدیم کی قارداشیمون قانی باتماسون سن سرفراز ایدن علم عالمده یاتماسون آل اُمیّه دهریده مقصوده چاتماسون ایتدیم بو یولدا دینیمی کامل ادا حسین دور قبریدن ایاقه ایا شاه انس و جان تا سرگذشتیمی سنه بیر بیر ایدیم بیان باخ گور نجه سرشگیم اولوب دیده لرده قان اولموب باجون بو مدتی غمدن رها حسین کرب و بلادن آیریلالی ای عزیز جان هرگون سنون سوسوزلوقیوا ایتمیشم فغان ایندی گتورموشم سنه سو آچ گوزون اویان ای تشنه دین یولوندا اولان جان فدا حسین دور بیر مزاریدن ایله احوالیمه نظر گور زینبون بو مدتی قارداش چکوب نلر بیرده بویور گوروم منه جسمونده یاره لر بیر آز بو قبر ایچینده تاپوبدور شفا حسین بیر اربعیندی کی غم هجرونده یانمیشام بحر بلاده دست ستمله تالانمیشام غملر ز بس یوروب داخی جانه دایانمیشام صبح و مسا اولوبدی ایشیم آه و وا حسین دوزدورکی شام و کوفه غمی چوخ یوروب منی گل مثلی باد محنتیله صولدوروب منی منده ولیک ایلمیشم خوار دشمنی چاتسون مرامه قویماموشام اشقیا حسین شامین غمی بیزه هامی غمدن اشدّ اولوب غمدن دل بنات علی قانیله دولوب ویرانه ده رقیه بالان گل کیمی صولوب افسوس دردینه تاپا بیلموب دوا حسین شامین خرابه سینده بالان تاپشوراندا جان درد و غمینده ایلدی بو جمعی باغریقان بیر گنج تک خرابه ده ایتدیم اونی نهان قبره قویاندا ایلدیم آه و نوا حسین جان تاپشوراندا نازلی بالان باخدیم آغلادیم نیسگلرین سالوب یادیمه سینه داغلادیم الله بیلور گوزون نجه حسرتله باغلادیم روحیم بدندن آزقالوب اولسون جدا حسین ای قبر پاکی مأمن عشاق بینوا هر ناعلاج درده ویرر تربتون شفا (( رزّاقی )) نوکرونده ایدور دائم التجا لطف ایت اونوندا دردینه ایله دوا حسین ****** ستار رزاقی برچسبها: ستار رزاقی تبریزی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
