|
احوالات حضرت ابوالفضل (ع) ای قلم باشلا ابوالفضلون آدیلان سخنی آدینه قربان اولوم مست ائلیوب آدی منی دست خالی یولا سالماز قاپوسیندان گلنی کیم توسل ایلسه صدقیله عباس آدینا آند اولا حضرت زهرایه گلر امدادینا قالسون هر وقتیده مشکلده دینن یاعباس گلمیشم درگهووه صدقیله من یاعباس دوشموشم مشکله امداد ایله سن یاعباس آندا ویروم سنی عرش اوسته ویریلمش علمه حاجتیم واردی قاپوندان منی گل رد ایلمه دردوی سعی ایله اغیاره دیمه یاره دینن گل فقط مشکلووی محرم اسراره دینن آقا اوغلی آقادی قولسوز علمداره دینن صدقیلن کیم گله درگاهینه حسّاسیدی بو نا امید ایلمیوب بیر کسی عباسیدی بو درگهیندن آقامون مطلب آلوب ارمنی لر دایماً لطفینه حیرتده قالوب ارمنی لر آدینا روضه قویوب سفره سالوب ارمنی لر فخریدور بیزلره بیگانه گلوب مطلب آلور والله عاشقلرینون دهریده باشی اوجالور نئجه عباس آدینون دهریده چوخ حرمتی وار خالی از لطف اولا بیلمز بو آدین حکمتی وار سسلننده بیلینور کی نه قَدَر لذّلتی وار الله الله نه گوزل نامیدی عباسین آدی طفل لر قلبینه الهامیدی عباسین آدی مجلس ماتمینه نوحه دیینلر قربان قاره پرچملرینه قاره گیینلر قربان قبرینه عشقیله احسان الیینلر قربان نه قَدَر ایله سون احسان قاپوسیندا کمدی آدینون عاشقی تک بیز یوخ هامی عالمدی عشق و ایثارینی ثابت ائلیوب غیرتده عموسی جعفر طیاری قویوب حیرتده بنذیور حیدر کراره یقین صولتده مرحبین مرکبینی پیلینون اوغلیدی بو قلعه ی خیبری فتح ایلینون اوغلیدی بو ائتدی تسلیم عموسی دینینه بیرجوت قولونی اورگئدوب قارداشینون اوغلونا عشقین یولونی کسدیلر دشت بلاده اوجا سروین خولونی گور او سرداره نئجه چاره یولون باغلادیلار مشکینی اوخلادیلار سینه سینی داغلادیلار دوره سینده او زمان قان توکن اعدا چوخودی طاقتین الدن آلان گوزده کی اوچ پر اوخودی نه قدر سعی ایلدی چیخماقا امکان یوخودی دیزلرین مرکبین اوستونده گتوردی قاباقا چوخ مشقّت له بیر آز باشینی سالدی اشاقا ایستدی مرکبین اوسته چیخادا اوچ پر اوخی چوخ تلاش ایلدی افسوس گوروب چاره یوخی من اشاره ائلیوم سن سوزی اوّلدن اوخی اگدی باشین اشاقا دوشدی کلاه جنگی باش آچیلجاق گنه جنگین ویرولوب آهنگی روبرودن یتشوب نوفل دون الده عمود قالخزوب آهن عمودی گوگه یارب ودود اندیروب باشینه لنگر ایلدی کُل وجود گئتدی جنتدن اودم حضرت زهرانی یئره زیندن سالدی یوزی اوسته او سقّانی یئره اوجا قامت اوجا یئردن یخیلان وقته اگر اولماسا تکیه گهی نیلیر اُول لحظه مگر لنگر ایلر بدنی تپراقا یوز اوسته دگر آچما سعی ایله سوزی قوی ائله بو حالدا قالا یوزی اوسته یخیلاندا او قالوب گور نه حالا سنه (( تیموری )) اگر ویرسه صله بنت رسول یازدیقون مطلب اولار محضر مولاده قبول گتورر اللری محشر گونی زهرای بتول وار امیدیم سنه اللّه بیر عنایت ائده جک آناسی فاطمه محشرده شفاعت ائده جک ****** علی تیموری اردبیلی برچسبها: علی تیموری اردبیلی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
