‍ شهادت حضرت علی اکبر (ع)

شاه کربلا علینون پیکرین عباده گتدی

دوغرانوب قلجلاریلان قالمیا آراده گتدی

زینبی سالوب قاباقجا دالجا شاه اؤزی گیدردی

اکبرین شهادتینده ناله و فغان ایدردی

انس و جنّ آغلاشاردی سانما سوزلریم هدردی

کائناتی بو جوانون جانی چخدی، داده گتدی

خیمه لر برابرینده بیر قدر دایاندی مولا

صبر وئر دیدی خدایا ئولمه سین بو غمده لیلا

لیلی واریدی یوخیدی بلمورم، ولی بو یولدا

لیلی آدینی دیلنده شاه کربلاده گتدی

هاشمیلر آلمشیدی اکبری او دم آرایه

گتدیلر خیامه نعشی ناله قوزانوب سمایه

سس دوشوب خیمده اکبر گلدی آل مصطفایه

قاسمون طویی گر اولسا گول او شاهزاده گتدی

پیشواز ایدوب حرملر اکبرون جنازه سیندن

خیمه لر بوشالدی لرزه کربلایه سالدی شیون

قویدولار یره علینون پیکرینی مرکب اوستن

تک خدا بلور نه نوعی شه اونی عباده گتدی

صبرینه قالوبدی حیران آسمانیده ملکلر

محوریندن آز قالوبدی چخسون اول زمان فلکلر

اشگیلن دولوبدی گوزلر آخدی ایسلانوب اتکلر

چوخلارینی بو حسینون صبری اعتقاده گتدی

باشدا اگلشوبدی زینب عمه سی فغان ایدردی

چشمه چشمه یاره لردن تپراق اوسته قان گیدردی

آرزو باغیندا لیلا گول اکوبدی غصّه دردی

نقل ایدوبله باشی اوسته اکبرون آناده گتدی

اکبری گلوب سفردن باغرینا باسوب ایاقون

باجیلار آچوبدی باشین اؤپدیلر سوسوز دوداقون

سسلنردی دور ایاقه بوش قالوبدی طوى اطاقون

قاره پوش ایدوب عیالین چرخ دون عزاده گتدی

من دیمم ایاقه دور تا قامتون گوروم دوباره

هیچ دیمم اوغول دور اگلش چوخدی پیکرونده یاره

خواهشیم بودور گوزون آچ لیلیه ائله نظاره

باشون اوستونه حرملر لیلینی فتاده گتدی

قوى اوپوم یارالاروندان اشبه رسول اکرم

آرزولاریم ئورکده قالدی ای شهید اعظم

قالمارام جهاندا زنده آز زمانیده من ئوللم

پیکریمی باشون اوسته دردون ابتداده گتدی

قامتون یره یخلدی سرولر خجالت اولدی

صورتون بویاندى قاندان ماه غرق حیرت اولدی

قاره گوزلرون دولاندا قانیلن قیامت اولدی

اوّلین شهید سن سن شه بو ابتلاده گتدی

باشیوون دالیجا گللم چوللرى دولانّام اوغلوم

نیزه لر باشندا باشون گورجاقین اوتانّام اوغلوم

شانه زلفوه ورانمام فرقتونده یاننّام اوغلوم

دشمنون هایاندا گورسم باشیوی جداده گتدی

******

حاج غلامرضا عینی فرد زنجانی


برچسب‌ها: غلامرضا عینی فرد زنجانی
+ نوشته شده در  جمعه ۲۴ اسفند ۱۴۰۳ساعت   توسط حاج محمد محمد قاسمی  |