|
شهادت قمر بنی هاشم مقتلده گلوب درک ایله قارداشیوی قارداش گل نعشیمه باخ توک سورا گوز یاشیوی قارداش قوزاندی گویه ناله منیم غملی دلیمدن دشمن قولومی سالدی علم دوشدی الیمدن میداندا یاخیندور که ایچم جام اجلیمدن مشگیم سویی گیتدی یره قلبی یارا دوشدوم ال اولمادی تکیه الدیم چوخیرا دوشدوم دورمده دوروب غیضدن اشرار اسوللر سبقتده دی هامّو کسه لر باش تلسوللر اون یدی نفر بیر یارالی باشی کسوللر باش پارچالانوب گل گلن آخر نفسیمدی بیرده یوزیوی قانلی گوزوم گورسه بسیمدی اهل حرم آغلاشسا منی یاد ایله سونلر سو اولمادی قسمت ندی چاره مله سونلر یول یوخدی گلوب نعشیمی بیردوره لسونلر اطفال منیم ئولمگمی بولمسه خوشدی ایستکلی رقیّون یانما گلمه خوشدی قولّاریمی سالدی یره بو لشگر کینه اطفالیوه قسمت اولار البته مدینه باش ساغلیقی ویرسونله آنام ام البنینه اوغلون گوره بیلمز آنامون محنتی چوخدی امّا دیمه سونلر بالاوین قولّاری یوخدی نوفل منه رحم ایلمدی ظلمه تلسدی ردّ اولمادی یولدان یولومون اوستونی کسدی دل یاره سی ویردی بدنیم غیضدن اسدی خوار ایلسون الله بیله بیر قوم عنودی شل اولسون الی باشیمه اندیردی عمودی قلبیمده حسین قارداشیوین محنتی داشدی قانلی دی گوزوم فاطمیه فوردی ساتاشدی آتدان یخیلان وقتیده زهرا قولون آشدی فرمایش ایدوبدور بو قدر غم یمه اوغلوم آغوشیمه گل قوی باشیوی سینمه اوغلوم عبّاسینون آلدی سسنی شاه شهیدان بلمم نیجه تللی اَنوب اول دیده سی گریان قارداشنون اطرافین آلوب گوردوکی عدوان قوزاندی صدا بربره یول آشدی او لشگر شمشیری چکن وقته حسین قاشدی او لشگر قارداشینه باخدی آلشوب درد فراقه اگلشدی یره قانلی باشین آلدی قوجاقه عطشان دوداقین قویدی ئوزی قانلی دوداقه عباسینون ئوپدی نه دیوم قانلی یوزوندن سیلدی گوزونی پاک ایلدی قانلی گوزوندن احوالیوی گوردوم نیجه یاندی دلیم عباس بو چولده ئولوبدور منیم اوغلوم اِلیم عباس سن گیتدون آتام اوغلی سنوبدور بلیم عباس قارداشیوه صحبت ایله ئوز غملی سوزوندن ائیستکلی حسینیم ئوپورم قانلی یوزوندن زهرا بالاسی پاک ایلدی گوزده کی قانی زحمتله آچوب گوزلرین او حیدر ثانی گوردی باشی اوسته اوتوروب شاه جهانی عرض ائیتدی حسین یاخشی منی یاده سالوبسان نیلوم ندی چاره م که الون بیلده قالوبسان قربانون اولوم قلبیوی چوخ داغلاما قارداش گوز یاشیوی گل صورتیوه باغلاما قارداش باخما کسیلن اللریمه آغلاما قارداش دشمن باخوب السّاعه قضایانی بللر قارداشی ئولن قارداشا شام اهلی گوللر عشقونده حسین باشدان ئوزوم هر نه یی آتدّیم ئولدوم قاباقیندا یارالی باشی اوجاتدیم منده قانیمی اکبروین قانینه قاتدیم قارداش سیز اولان ئوزگیه دردین دمک اولماز جسمیم یارادور خیمیه حمل ایله مک اولماز اظهار ایلیوم من سنه بو مطلبی قارداش اخیامه آپار پرچمله مرکبی قارداش اما ئوزون آرام ایله سن زینبی قارداش عطشان بالالار بیرده سوسوز مشگیمه باخسون قانینده رقیّه بالا جا زلفینه یاخسون ******
برچسبها: لاادری
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
