|
زبانحال حضرت ام البنین (س) من ام بنینم که علی گویلومی آلدی زهرایه کنیز اولدوم اودور باشیم اوجالدی اوّلده عزیز اولدوم اوغوللار آناسیدیم آخرده فلک باشیمه دورد قاره نی سالدی **** من ام بنینم که سوزوم عالمی داغلار کیم بیلسه ئورک دردیمی اشکین یوزه باغلار شاهددی بقیع توپراقی بیر حالدیام الان من اوغلوما ، اما وطن اهلی منه آغلار **** من ام بنینم که خزان اولدی بهاریم قرآن مبین اوسته گئدیب دار و نداریم دورد اوغلوم ئولوب ناله مه داغ تیترسه آزدی آزدور گینه آغلار گیچه گر لیل و نهاریم **** یاندیم ولی گیزلیندی بو یانماق گورن اولماز حسرت گولونی غملی باغیمدان درن اولماز بیر بلبلدیم جور خزان دربدر ائتدی بیر حالدیام الان سسیمه سس وئرن اولماز **** چون اهل وفا باشدا اولان عهدینی آتماز دوز عاشق اولان رنگ ریا عشقینه قاتماز عاشقدی هامی فاطمه اولادینه اما دنیا دولی عاشق اولا عباسیمه چاتماز **** من ام بنینم سوزولن کوکبی گوردوم طاهر دولانوب ساجد اولان اطیبی گوردوم غم قافله سی کرب و بلادن قئیدنده شاماتی گزوب تئز قوجالان زینبی گوردوم ****** حاج داود بیدق داری ( داور ) برچسبها: داود بیدق داری داور
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
