|
اَلشّام اَلشّام اَلشّام ...(امان از مصیبت شام ...) اهل بیتین او یامان گونلریدی ظلم الیندن بی امان گونلریدی زینیبن دامنی اللرده قالوب طبق تاریخ همان گونلریدی گوردی بیر شیعه ی شایسته خصال حجت بن الحسنی گریان حال علتین ائتدی بو نحویله سئوال سیزی گریان ائلیب هانکی ملال گوزوزون اشک فشان گونلریدی یئری وار آغلیاسیز اکبریزه قاسم و عونیزه یا جعفریزه اوخلانان دیلسز علی اصغریزه عمون عباسی یخان غملریزه جدیزین آه و فغان گونلریدی دیدی اکبرده اولا قان آغلار عون و جعفرده اولا قان آغلار دیلسیز اصغرده اولا قان آغلار جدّیم هر یئرده اولا قان آغلار عمّه مین شامه روان گونلریدی کوفه و شام هارا زینب هارا اونو دا شمریله خولی آپارا بیر گونه ساچلاری غمدن آغارا باشینی محمل ماتمده یارا قدّی غملرده کمان گونلریدی کربلاده نه جنایت اولدی خیمه لر ظلمیله غارت اولدی کوفه شهرینده شماتت اولدی ولی شامینده قیامت اولدی لخته قان قلبه دامان گونلریدی حضرت زین العبا خیر الانام بولمورم چکدی نه درد و آلام ائشیدیبسیز دئدی اَلشّام اَلشّام منی ایکاش که دوغمیدی آنام او بلالی جریان گونلریدی بیر یهودی کوچه سی دشمن خیز نه اسفناکیدی نه درد انگیز بام لر اوسته نچه دسته کنیز چکدیلر هوره مصیبت آمیز چوخ مصیبتلر عیان گونلریدی گولدولر گوزدن آخان یاشلارینا محمل اوسته یولونان ساشلارینا باجیلار اوخشادی قارداشلارینا کول توکوبلر اوجادان باشلارینا الامان و گل امان گونلریدی غم ایّام لری بیر طرفه رنج و آلام لری بیر طرفه دشمن اقدام لری بیر طرفه مجلس شام لری بیر طرفه وارد مجلس اولان گونلریدی مجلس شامیده بیر ظلم اولدی یئر ئوزنده نه صفا وار صولدی سینه لر یاندی اورگلر دولدی بالالار زلفونی شاید یولدی دشمنین کامه چاتان گونلریدی پرده سیز اولسا سوزوم اولماز ادا آغلیانماسا گوزوم اولماز ادا اولسا بو درده دوزوم اولماز ادا ئولمه سم غمده ئوزوم اولماز ادا ظلم ایامیدی قان گونلریدی آخرین منزلیدی ویرانه نئجه ویرانه مصیبت خانه شمعسیز اودا یانور پروانه غم یاغیر ئوز دولانیر هر یانه درد غیرتده نهان گونلریدی قلم عاجزدی تصوّرلی یازا نامناسبدی او محنتلی فضا دوتمویوب زینب هله کامل عزا بالا قیزلار یئمیب ایستی غذا گول سیاقی سارالان گونلریدی نه توان وار قیز اوشاقینده مگر آج یاتا چوخ گئجه نی صبحه قدر ییه گیزلینده ولی خون جگر اونون ئولماقی او حالدا نه چکر زینبین ناب نگران گونلریدی زینب الآن نه وطن فکرینده نه گلستان نه چمن فکرینده نه گیدنده نه گلن فکرینده گینه بیر پارچا کفن فکرینده دردینین سخت گران گونلریدی ئولدی ویرانه ده بیر مه پاره کربلادن دولانیب آواره قولاری نیلی ایاقلار یاره کفنی اولدی خلاصه قاره اورگین درده سینان گونلریدی ساربان چولده ویراردی بالانی او اوزون یولدا یوراردی بالانی باباسی گلدی آپاردی بالانی درد الیندیدی قوتاردی بالانی ایندی آسوده یاتان گونلریدی یاره لی اولسا یاراسین باغلا دردمندیله اوتور دل داغلا ((واصفین)) شعرینه یانسان آغلا بو قرا کوینگه حرمت ساخلا اهل بیتین او یامان گونلریدی ****** احد ظهراب زاده (واصف مرندی) برچسبها: احد ظهرابزاده واصف مرندی
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
