|
به فرات رفتن سقای کربلا اولوب جانلار سنه شیدا ابالفضل سالوب دنیایه بیر غوغا ابالفضل او صحرای بلاده لیل ظلمت صفوف لشکر کین مست عشرت تاپوپدور سو نه گور ارزشلی قیمت ائدوب زینب ابالفضلیله صحبت چات امداده اَخا سقّا ابالفضل گوروبدی سو چاتوب اتمامه یکسر یانور اطفال عطشان پور حیدر ربابین قلبی اولموش زار و مظطر علی اصغر عطشدن ناله ایلر گوروب تردیده یوخدور جا ابالفضل او دم دنیای غیرت داده گلدی نه غیرت حیثیت فریاده گلدی وفاسی جوشه حیدر زاده گلدی اوزون قوللار حسین امداده گلدی فراته سالدی یول تنها ابالفضل مینوبدور مرکبی اُول مرد هیجا حمایل ائتدی مشکین خصم اعدا تماشا ایلیور عباسی دنیا الینده واردی تیغ رعد آسا سالوب صحراده قان دریا ابالفضل الینده بیرق حق دیلده تکبیر هدف دریا حسینون عشقی زنجیر عمر سعدین مرامین ائتدی تکفیر چاتوب دریاده پرچم ویردی شبگیر ائدوب دریائیلن نجوا ابالفضل بویوردی ایلورم سندن گلایه اولوبسان مهریه خیر النسایه منه ائتمه تمنا پست مایه سنی ایچسم دوشر دنیا خطایه وفا قالمازدی پا بر جا ابالفضل بو سوزدن قلبی دریا قانه دونسون سو مشکین دولدروب القانه دونسون قضا ایله قدر امکانه دونسون حسد ، چرخ فلک ، ویرانه دونسون بو عشقه مات اولوب ، موسا ابالفضل ایکی شهپر دوشوب پیکر تالاندی آلوب مشکین دیشه دیل شادماندی دئمه اوخ دگدی گوزدن ناگراندی وجودین بوشلیوب تک، مشکی جاندی دوشوب طیرانیدن عنقا ابالفضل ****** محمد وهابزاده(عیّار)
برچسبها: محمدوهاب زاده عیار
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
