|
شجاعت حضرت ابوالفضل (ع) اهلِ شامون یادلاریندیدی هنوز ایلمشدی نه هنر ، بوندان بروز گوردیلر بیر گون تمامی شیخ و شاب بیر جوانِ نامدار ، اوزده نقاب چیخدی صفدن خارجه او صف شکن سِنّی اولمازدی فزون اون یدّیدن تا مبارز ایستدی اول نوجوان گلمدی میداننه بیر پهلوان سطوتی اولموشدی واضح لشکره هیبتی سالمشدی وحشت دیللره واریدی دشمن صفنده بیر نفر ابنِ شعشعاء آدلی ، گردِ نامور یوز دوتوب ابنِ ابی سفیان اونا بولدی بو امری ز بس آسان اونا امر ایدوب قوی عرصه ی جنگه قدم بو جوانین تیز ، وجودین قیل عدم سویلدی لشگر بولور یکسر منی رزمده مین آتلیه همسر منی اولماز آیا بو منیم چون عار و ننگ؟ ایلسم نورسته بیر طفلیله جنگ وار علاوه یدّی اوغلوم ، نامدار هر بیری مرد افکن و خنجر گذار ایندی گوندرّم بیرین میدانه من جزئی بیر رزمه اودور اَولی ، نه من اوّلی گلدی ایچوب جامِ اجل سسلدی دورما ایکیمجی سنده گَل هر بیری گلدی دوشوب آتدان یئره ملحق ایتدی یدّی سنده بیر بیره چکدی چوخ طول ، هر یدّی نفر آز زماندا دوزخه ایتدی سفر ابنِ شعشعاء گوردی ، اولدی کار ، زار ایلدی غیظیله عزمِ کار زار کین اوزیله باغلادی محکم بلین ئولدوره اوغلانلارینون قاتلین بغض و کین اولدی سبب ، گلدی جسور شیرِ هیجا رزمنه ، کلبِ عقور ویرمدی مهلت حریفِ نامور ایلسون میداندا اظهارِ هنر ایتدی اوّل حمله سینده سر به زیر دوندی یدّی سگّز اولدی ناگزیر ایتمدی جرأت داخی بیر جنگجو اولسون اول جنگی جوانه رو به رو پس علی المرتضی ، میرِ هدا اول شجاعت معدنین ، قیلدی ندا تا کنار ایتدی جمالندن نقاب ابرِ ظلمتدن گوروندی آفتاب گوردولر مهرِ جهان آراسیدور اوز دلاور اوغلی ، اوز عبّاسیدور دوشدی یکسر دوست و دشمن حیرته پهلوانلار مات اولوب بو قدرته مطلبیم هاردیدی گور گیتدی هارا هاردا باشلانمشدی سوز ، یتدی هارا ایتسه توفیقین منه خلّاق ، یار خامه م ایلر دفتر اوسته دُر نثار اولماسا اوندان توجّه مختصر کوشش و جدّیتمده نه اثر ایلرم بیر بیله سعی و اهتمام تا بو جزئی خدمتیم اولسون تمام ****** مرحوم حسین شأنی برچسبها: حسین شأنی تبریزی
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
