|
زبانحال حضرت صغری (س) در خروج از مدینه اولوب سنسیز بو گوگلوم قان برادر عجب وقته گلوبسن جان برادر عجب تاپدوم سعادت نه خوش وقتدور بو ساعت گوزون قربانی قارداش منی ائتدون عیادت گیجه گوندوز خیال خطّ و خالون اریتدی جانیمی بدر جمالون هلال آسا علی طاق هلالون اگوب قدّیمی چون چوگان برادر سرشک آلیمی گور چشم ترده امید بازگشت یوخ بو سفرده گرک بوندان صورا هر رهگذرده ائدم گه ناله گه افغان برادر عراقه گئتمگه یوخ منده قدرت بو هجرانه ائدوم نه نوع طاقت آناسیزلیق غمیندن چوخ شکایت واریمدور من سنه قربان برادر وئرورسن مژده ی بیماره گللم گلینجه سن بو حسرتله من ئوللم یتم بیرده چتین دیداره بوللم بو الدور ایندی بو دامان برادر گورنده اوز گولون بلبل چمنده دولانور باشینه قوی باری منده دونوم بیر باشیوه بو انجمنده دخیلم وصل اولور هجران برادر علی باخدوقجا بو قدّ رسایه یخیلّام ایلرم تکیه عصایه سورونّم گئتسن آردونجا چو سایه یوز اوسته ای مه تابان برادر اولور نسگیل بو محزون حزینه اولوب همره سنه باجیم سکینه گیجه گوندوز او ماه بی قرینه دولانور باشیوا هر آن برادر کسیلدی چاره سی بو ناتوانون انیسی قالمیوب بو باغریقانون دالیسیجا گلور بو کاروانون گهی افتان گهی خیزان برادر قالور بوندان صورا بو غم کشیده گوزی یوللاردا بو قدّی خمیده توکر رخساره هر دم اشک دیده بسان قطره ی نیسان برادر توکر گوز یاشی هر کیم بو عزاده اولور آسوده دل روز جزاده بو (( دلریشی )) چاغور کرب و بلاده اولا بیر اربعین مهمان برادر ****** مرحوم دلریش برچسبها: اصغر دلریش
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
