|
اربعین او گون که دشت بلایه یتوب بلالی قطار گوروندی زینبه شش گوشهلی غریبه مزار او دشته عالمۀ بی معلمه باخدی او یرده چکدیگی چوخ ماتم و غمه باخدی یانان چادر یرینه نهر علقمه باخدی گوروب او یردی که یوزمین بلا گلوب باشنا او یردی باغلانوب آب فرات قارداشنا گلوب محبتی جوشه کسیلدی طاقت و تاب دولاندی باشینه قبرین اولوبدی قلبی کباب یارالی قارداشینا ایلیوب بو نوعی خطاب قرادی طالع بختیم گونوز منه گئجهدی باجون مزاریوه قربان یارالارون نئجهدی گیدنده نعشوه شال عزا چکن یوخودی نه بیر حنوط نه تابوت و نه کفن یوخدی یارالی یاتمیشدون بیرجه دفن ایدن یوخدی باغشلا من سنی دفن ایتمهمیش حسین گیتدوم فرنگ اسیری کیمی شام شومی سیر ایتدوم جفای خنجره سن، من بلایه توش اولدوم دوشوب قرا گونه عالمده قاره پوش اولدوم دیمه که شامده من قورخودان خموش اولدوم بلالی زینبوم چوخلی ماجرا بیلورم سوروشما حالیمی قارداش خرابدن گلورم سوروشما حالیمی پوزقوندی حال و احوالیم ئوزوم کیمی گینوب قاره بخت و اقبالیم سنیله گیتدی منیمده جلال و اجلالیم قوجالمشام آتام اوغلی یورولموشام نیلوم یوخوم مزاریوه تحفه سویولموشام نیلوم اگر چه من ئوزومی چوخ ایتورموشم قارداش جهانیانه بیر ظلمی یتورموشم قارداش دور ایندی اهل عیالون گتورموشم قارداش نئجه دیوم سنه شرمندهام سوزوم چوخدور بو جمع ایچینده فقط بیر امانتون یوخدور فلک آرامزه بیر سنگ تفرقه سالدی خرابه شامده آرام و صبریمی آلدی همان چوخ ایستهدیگون قیز خرابهده قالدی خرابه بلبلی گلشنده گلدن آیریلدی دیوب دانشمادی بیچاره ائلدن آیریلدی هزارۀ چمن آخر چمن سیز ئولدی بالام دیار غربت ایچینده وطن سیز ئولدی بالام نئجه دیوم سنه قارداش کفنسیز ئولدی بالام کفن رقیهمه ایتدوم او کهنه پیرهنین مزاره قویدوم اونون قمچی یاندیران بدنین دینمرم سنه قلبیم نئجه مکدّر اولوب نقدر برگ گولوم بو خزاندا پرپر اولوب تمام ئولنلریمه تک بو قیز برابر اولوب یانوخلی قلبمی یاندوردی ویردی یغمایه شباهتی چوخ اولوبدور آناسی زهرایه خزان یتنده یتر رخنه باغبان گولونه داغلیدی گلشن دین غم یتشدی بلبلینه یانار ئورک آتام اوغلی رقیه نسگلنه بیر آه چکدی بالام کائناتی آغلاتدی آجام آجام دیدی آج یومدی گوزلرین یاتدی او یاتماق اولدی منیم قلبیمی دایاندوردی ئوزی او او دا یانوب عمهسینده یاندوردی ئولن زمان منه ایتدی اشاره آندوردی اشارهسی او قزین او سالوب منیم جانیما که یعنی من ئولورم گلمدی بابام یانما دیدی بابام سالوب عمه بله فراقه منی چوخ ایستهمور گتورن وقتدن عراقه منی ئولن زماندا گلوب آلمادی قوجاقه منی بابام ندن منی یاندوردی ئوز فراقنده بو نسگلیم واریدی جان ویرم قوجاقنده بلی حسین ئورگیم دوندی شامده قانه رقیه شمعدی منده او شمعه پروانه گتوردی شامون عذابی منی داخی جانه گچن گچوبدی حسین حال اصغرون نجهدی؟ وفالی قاسم و عباس و اکبرون نئجهدی؟ نظاره قیل نئجه گور اهلبیت آچوب باشین بیریسی اوغلونی اوخشور بیریسی قارداشین اوغول مزار نه مادر توکور گوزون یاشین کنار شطده کلثومی گور باتوب یاسه قوجاقلیوب بالاجا قبری آغلور عباسه دیور که گلمیشم احوالوی بیلم قارداش مدینیه گیدورم قوللاری قلم قارداش باجیوی دور یولا سال صاحب علم قارداش نئجه دیوم آنام امالبنین سوروشا سنی سالوبلا قوللارینی پاره پاره دور بدنی؟ اجازه ویر آناوا سندن ارمغان آپاروم سو جامی ایله سو مشگین اونا نشان آپاروم بله سو مشکوی پاره ایدوب کما ن آپاروم دیوم بولار آنا جان درد و غم بهانهسیدی بو قانلو بیرق ابالفضلوون نشانه سیدی او گوندی (( نادری )) قان آغلوری خانم زهرا نئجه گیدور وطنه ایندی زینب کبرا گلوب سورشسا علی اکبرین اگر صغرا نئجه قوجاقلیا زینب دیه مریضه بالا ئولوبدی قارداشون اکبر قیزیم باشون ساق اولا ****** مرحوم نادری میانجی برچسبها: قدرت اله نادری
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
