|
استمداد حضرت ابوالفضل(ع) (سبک : سلام ای سلطان ابالفضل) حسینه سقا ابوالفضل کرمده دریا ابوالفضل قالاندا مشگلده هر کیم ادون سسلر یاابولفضل جانیم اولسون جانوه قربان حامی قرآن یا ابوالفضل **** محکدن چیخدون وفاده دیار کرب و بلاده فدا اولدون سن حسینه کسیلدون قربان مناده گل رضوان ساقی عطشان جانوه قربان یاابولفضل **** شرافتده بی بدلسن کتاب عشقه غزلسن چکوب نقشون دست قدرت گوزلردن سن گوزلسن مه تابان عالمه جانسان جانوه قربان یاابوالفضل **** شرافت داغین اوجاتدون نهال عشقی اویاتدون دوشنده قولسوز آت اوستن حسینی اما قوجاتدون گچن جاندان در ره جانان قاننه غلطان یا ابوالفضل **** دگنده اوخ ساق گوزوندن سنی سالدی غم دوزیمدن چکنده پیکانی گوزدن سوزولدی قانی یوزوندن سنه قربان ساقی عطشان قاننه غلطان یا ابوالفضل **** چاغوردون گل داده قارداش منه غم گونلرده یولداش باشیم اوسته کشمکشدی ویرولار هی جسمیمه داش دینن هرآن قاننه غلطان ای دوشن عریان یا ابولفضل **** گلن وقته باشیم اوسته سن ای شاه دلخجسته باشیم اوسته آغلیان یوخ منه آغلا دلشکسته دینن عطشان جان ویرن قربان قاننه غلطان یا ابولفضل **** اوخ آتدا جسمیم بیچلدی سایی اوخلارین گچلدی جنازم اوسته سورور آت اوجا قامت گول کیچیلدی دئیور دشمن حالیمه هران ای ئولن عطشان یا ابوالفضل **** حسین گلدی قتلگاهه ایده نصرت غملی ماهه گوروب قوللار یوخ بدنده یانوب دیلدن دوشدی آهه دئیدی جانیم جانووه قربان ساقی عطشان یا ابوالفضل **** گوزون یاشی (( قهرمانی )) آخار یازدوقجا هر آنی ابوالفضله غم یازاندا صله ایستر کربلانی دئیر هر آن جانوه قربان شیعیه سلطان یاابوالفضل ****** ایوب قهرمانی برچسبها: ایوب قهرمانی
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
