|
زبانحال خانم رباب (س) در مدینه گلون بیر آز غمی چوخ دل کبابدن دانشاق اورکده درد و غمی بی حسابدن دانشاق مدینه ده گون ایوینده ربابدن دانشاق ندن گورک گون ایوینده قوروبدی مجلس یاس قالوب قرا گونه گویا گیوبدی قاره لباس همیشه صورتی اشک ملالیلن تریدی باتوبدی نار غمه شمعلر کیمی اریدی دیلینده دائم ایکی دلربا آد ازبریدی بیری رقیه اونا قمچی یولدا چوخ دگدی بیریده اصغریدی حلقینه بیر اوخ دگدی او قدری گون قباقیندا اوتوردی باخدی گونه دولاندی رنگی دوشوب زندگی ایپی دوگونه خانملیقی یالان اولدی قالوبدی قاره گونه گورنده زینب اونی بیر بیره ویراردی الین دیردی قینانا ئولدی اوجاقه گلدی گلین گلردی هر دم اونا باش چکردی ام بنین دیردی آغلاما ایتمه بو قدری داد و انین منیمده داغلیدی قلبیم سنون تک ایله یقین باتوبدی اوز قانینا عون و جعفر و فضلیم دیولّه قولسوز ئولوب قهرمان ابوالفضلیم گلردی گه یانینا زینب حمیده خصال دیردی آغلاما اولما بو قدری غرق ملال بو گون قباقی بیله آغلاماق بو غصه لی حال یانور یانان اورگیم گوردقیجه من بو غمی سالور بو آغلاماقون یادیمه جوان ننه می او تسلیت لر اونون رام ایدنمدی اورگین قباقه قویدی گیجه گوندوز اصغرین بلگین دیدی اوغول آناوون زایل ایتدیلر امگین آنوندا محنته باخ درده آه و واویلا ویرور تسلی منه اکبری ئولن لیلا گرک ئولونجه آنون اشگینی یوزه الیه همیشه بوش بشیگون گون ایوینده سیلکه لیه نه ایلمیشدون علی قلبی یانمیش حرملیه بیر اوخ ویروب بوغازوندان اونون شل اولسون الی دیدیله اوچ یئره حلقون بولونموشیدی علی اوّلده بختور اولدوم باشیم اوجالدی بیر آز که یعنی اولموشودوم همسر عزیز حجاز رقیم اولدی سن اولدون من ایتدیم عالمه ناز گوزی گوتورمدی اما او حالمی فلکین بویادی اوز قانینا دیلسیز اوغلومون بلگین سهیل بختیمی گوردی فلک الیکه قوشا منی عزالیلره ایستدی بفوری قوشا آلوبدی هر ایکوزی اللریم چیخوبدی بوشا آدی باتا فلکین گور نئجه آدیم باتدی دایون منی تانیموردی کنیزه اوخشاتدی عنان صبریمی غملری یاخیندی الدن آلا اوزون تصور ایله گور آنون قالوب نه حالا کنیز آدیلا منی قارداشیم چاقوردی بالا مصیبتین اوخی بو قلبیمی بولوبدی علی باجوندا شامده ویرانده ئولوبدی علی ویرنده جان قوری یئرده او بلبل چمنیم اورگین ایله بیلدیم قیریلدی بندی منیم مثال برگ خزان اسدی غصه دن بدنیم یومولدی قاره گوزی دیلده قمچیلر آجیسی آجیندان ئولدی گوزل اکبرین گوزل باجیسی یادیمدا ساخلامشام بعضی غصه لی سوزی گوزوم باخا باخا که باغلادی بی بون گوزونی کفن بوکنده ده حتی اوپنمدیم یوزونی ایله یانور اورگیم غملی داستان واریدی یوزونه سیلی دگندن گوزونده قان واریدی بو صحن خانه ولی حقه راه اولان قاپیدی همیشه چاره سیزه جان پناه اولان قاپیدی بیر آنا بیر بالیا قتلگاه اولان قاپیدی بو ایوده قینانامی چوخ سیخوب در و دیوار ئولوبدی محسنی هم سینه سین دلوب مسمار بو گلشنین گولونی صرصر خزان آپاروب یوزونده سیلی یئرین قبره باغبان آپاروب قولوندا قمچی یئرین بیر گوزونده قان آپاروب بو ایوده اهل جهان اورگنوب وفا روشین آتام علینی بو ایوده ایدوبله خانه نشین ****** عزیز صبور اردبیلی برچسبها: حیدر صبور زرنقی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
