|
زبانحال حضرت ام البنین (س) گلوب فغانه آغلارام گزوب بهانه آغلارام الهی دورت بالام منیم باتوبدی قانه آغلارام ئورگیم یانور اسور اللریم منی گوزدن آتدی گوزللریم **** بهار غمده سولموشام بولوط مثالی دولموشام اوغوللارین آناسیام ولی اوغولسوز اولموشام وطنیمده کیم یتیشور منه دئیور آغلاما قره گون ننه **** ائدر منه اثر گیجه اولار چتین سحر گیجه دولاننام ائوده صبحه جک عصا الیمده هر گیجه بالا فکرینی آتا بیلمرم نچه آیدی کی یاتا بیلمرم **** گلوم سارالدی بیتمه دی غمیم ئورکده ایتمه دی سفردن ای خدا منیم گئدنلریم قییتمه دی ئورک اوتلانار اولا گر سینیق بلیمی بوکوب منیم آیریلیق **** همیشه سینه داغلارام باشیما قاره باغلارام سوسوز ئولوبدی دورت بالام سَرین سو گورسَم آغلارام سسیمی سکوت عزا کسر سو آدین دئینده دیلیم اسر **** گرک که شال غم سالام ئولونجه خونجگر قالام یاتوبدی خیردا قبریده دیولّه قهرمان بالام علمین ئوپوب سینه داغلارام باخارام سو مشکینه آغلارام ****** بهزاد قاسمی اردبیلی برچسبها: بهزاد قاسمی اردبیلی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
