|
اربعین - زبانحال امام حسین (ع) (سبک : سو یوخومدی قیزلاروندان ) گلموسن مزاریم اوسته ، سینه دن یارالی باجی بس هانی قیزیم رقیّه ، ای باشی بلالی باجی باشیم آردیجا دولاندون ای باشی بلالی گلدون ظلمیله باشوندان اولدون من کیم یارالی گلدون هاردا قالدی بس رقیّه سن بئله عزالی گلدون گلموسن مزاریم اوسته ، سینه دن یارالی باجی صاحب لوایه زینب من نئجه وئروم اجازه عُذری وار نه نوعی گَلسون پرچم اَلده پیشوازه یوخدی اللری بدنده پرده چک بو غملی رازه گلموسن مزاریم اوسته ، سینه دن یارالی باجی ساغالوبدی باجی زینب داخی اللرین یاراسی داخی وئرموری اذیّت تیغ و خنجرین یاراسی ولی سینه ده ساغالماز بالام اکبرین یاراسی گلموسن مزاریم اوسته ، سینه دن یارالی باجی شامدن اگر گتوردون کوینگیمی دل شکسته یثربه آپار الینده اولما چوخ ملول و خسته سال مدینه ده آنامون گزلَنَن مزاری اوسته گلموسن مزاریم اوسته ، سینه دن یارالی باجی دوندروبدی سرو قدّین بار غصّه لر کمانه باشووه ووربلا بُولمم اهل کینه تازیانه جان وئرنجه باجی گئتمز قوللاریندا کی نشانه گلموسن مزاریم اوسته ، سینه دن یارالی باجی گلمدی قیزیم رقیّه اولمارام بو یئرده راحت سینم اوسته بسلمیشدوم ایلرم همیشه حسرت آج سوسوز خرابه یئرده جان وئروب او ماه طلعت گلموسن مزاریم اوسته ، سینه دن یارالی باجی قانه دوندروبدی بوُلدوم گوز یاشین قیزیم رقیّه توش ائدوب غم و بلایه اوز باشین قیزیم رقیّه چوخ سوؤَردی جان و دیلدن قارداشین قیزیم رقیّه گلموسن مزاریم اوسته ، سینه دن یارالی باجی شوریله (( علومی )) هر آن گل فغان و شور و شینه آغلا حاضرینیله گئت کربلایه اربعینه اوردا ذکر ایله بو شعری وورسون اهل دسته سینه گلموسن مزاریم اوسته ، سینه دن یارالی باجی ****** محمدحسین کتابچی (علومی تبریزی) برچسبها: محمدحسین کتابچی علومی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
