|
کوچ از قتلگاه وا مصیبتا وا محمدا ، یادیمه گینه دوشدی کربلا سویدولار حسینون جنازه سین ، غارت اولدی دراعه و ردا قویمیوبلا حتی او جسمیده دورت مین اوخ دگن کوینگی قالا بیر نفر تاپلموب دیسون سیزه نیلیوب بو باشسیز بدن بوگون؟ بو یارالینون بسدی جسمیده ، اوخ قلج یری بی حسابدور کسموسوز باشین سویمیون داخی ، میته ترحم ثوابدور بو ورق ورق منتشر بدن ، اهل ذکر و ام الکتاب دور سیز اگر کتاب اهلیسوز جفا ، ایلسوز کتابه ندن بوگون؟ آه او وقتیدن باجی قارداشین ، تاپدی نعشنی قتلگاهیده گوردی رختین ایله سویدوبلار ، ساتر بدن یوخ او شاهیده بیر نفر مسلمان تاپولمادی ، عرض ایدوب حسین بو سپاهیده ساخلیدی باری کفن سنه ، پاره پاره بیر پیرهن بوگون عور قالماق اعرابه ننگدور ، سیدا او عریان اولا امیر آغلاسام ئولنجه سزادی من ، عور ایدوب سنی لشگر شریر سویماسیدیلر رختیمی اگر ، ایتمسیدیلر باش آچوخ اسیر پیکرون قوییدیم محالیدی ، توپراق اوسته من بیکفن بوگون سن اوسان که یثربده چگنینه، میندیرردی دائیم سنی رسول سن اوسان قزیل گول کیمی سنی، ایگلیوب اوپردی آنام بتول ایندی پایمال ایلیوب بیله ، خار نعلیله جسموی خیول گول کیمی داغلمش جنازه وی ، یوخدی بیر نفر دفن ایدن بو گون سن اوسان که زلفون یوماقلیقا ، گتدی جبرئیل آب سلسبیل سن اوسان قماطونله عرشینه ، زیور ایلدی خالق جلیل سن اوسان سنه اولماقا لیله ، فخر ایدردی گوگلرده جبرئیل قصد قربتیله ووروب یارا ، یاره اوستینه هر گلن بوگون سن اوسان آلوردی قوجاقینه ، جان کیمی سنی مرتضی علی سن اوسان اوپردی جمالوی ، مظهر جمال خدا علی سن اوسان دیردی او مقتدا ، جانوه حسینیم فدا ، علی هاردادور علی؟بیر گلوب گوره، قالموسان نه احواله سن بو گون سن اوسان که لعیا بهشتیده ، خدمتونله ایلردی افتخار سن اوسان پناهنده مهدوه ، فطرس اولدی درک ایلدی وقار سن اوسان گوزل آدیوی ایدوب ، ساق عرشه پیرایه کردگار یاتموسان اوزی قویلی باتموسان، قانه چون عقیق یمن بوگون پیکرونده کی قانلی یاره لر ، انجم سمواتی سان ویرور بو قانا بلشمیش ستاره لر ، هر بیری بیر عالم نشان ویرور نه دیزیم گلور گیتماقا منیم ، نه دایانماقا شمر امان ویرور نیلیوم الیمده علاج یوخ ، قوللاریمدا واردور رسن بوگون هانسی بیر یرین کربلا کیمی ، قانیله دولی گلستانی وار؟ هانسی گلشنین قتلگاه تک ، هم بهاری وار هم خزانی وار؟ هانسی گلستانین منیم کیمی، باغری قان اولان باغبانی وار؟ ترک ایدوم نجه من بو گلشنی؟ هاردا واردی بیله چمن بوگون؟ زینبوه سس ویرموسن ندن ؟ بلموسن اسیرم بلالیم؟ یوخ سسیمه بیر کیمسه سس ویرن، قارداشیم ئولوبدور عزالیم سن قلیجدان اوخدان یارالیسان ، منده قمچیلردن یارالیم قوللاریم اولوب تازیانه دن ، نیل رنگ ، چون یاسمن بوگون ای قویان تحیرده عالمین ، اهلینی شئون و جلالتی درگه ملک پاسبانوزه ، گر چه یوخ ((حسینی)) لیاقتی سیز او قدر اما کریم سوز ، جود و فضلوزون یوخ نهایتی ایلیوب جری جودوز ایستورم ، بو خزف کلامه ثمن بوگون ****** مرحوم سیدرضاحسینی (سعدی زمان) برچسبها: سیدرضاحسینی سعدی زم
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
