|
خروج از مدینه واحسرتا مدینه ده محنت هواسی وار آهنگ الرحیل گلور غم نواسی وار فکر ایلدیم نوائله نی دور حجاز اوخور طاق ائتدی طاقتی شرر جان گزاسی وار ابر فراق سایه سالوب وار نه علتی یثرب دیارینون بو گیجه آه و وا سی وار گویا عراقه عزم ائلیوب کاروان عشق سالدی فشاریه قلبیمی پوزقون نماسی وار بیر آسمان ستاره گئدور زار و دلغمین هر بیر ستاره نین غم بی انتهاسی وار حیرتدیم که دست قضا دهریده ندن اهل ولایه بیر بئله جور و جفاسی وار سالدی عزیز حضرت زهرانی چوللره فکر ایت حسینه گور نقدر ابتلاسی وار جبریله آیری دوشدی وطندن خدیو عشق تاریخیده بو امرون اوزون ماجراسی وار آغلاردی بو محنده امامون حرملری بیر بیر وداع ایدردی کیمون اقرباسی وار فرمایش ائتدی قارداشینا شاه مشرقین سندن بو غملی قارداشون التجاسی وار عباس ئوزون سوار ایله قیزلاری محمله خوف ایلیوب ئورکده اولارین هراسی وار آل پرچمون اله دیله دوت آغلیانلاری گورسونله لشگرون نئجه صاحب لواسی وار منده گیدوم عیادت ایدوم بیر مریضه دن محشرده خیره خالقین عالی جزا سی وار آلنین یوزون گوزوندن اوپوم گوگلونی آلوم بیرده وداع ایدوم بالا می حق رضا سی وار القصه گلدی منزله گورسون بالاسینی صغرا گوز آچدی گوردی یانیندا آتاسینی عرض ایلدی فدا سنه ای مهربان بابا تیر بلایه قلب شریفی نشان بابا بو گلماقوندا واردی نه علت بو نوعیله گوزدن عذاره اشگون آخور ناگران بابا اولما سفر خیالی واروندی مدینه دن هجرانه توش ایدور منی دور زمان بابا شمع وجودیمی اردیب آتش محن تحلیله گتدی جیسمیم اولوب ناتوان بابا صغرانی بو دیاریده گل ائتمه بی پناه قوی باشیما نوالون اولا سایبان بابا امکانون اولسا گیتمه بو یردن و یا منی لطفیله ایله همسفره کاروان بابا سندن صورا مدینه دونر لیل ظلمته هجرونده صبح و شام اولارام باغریقان بابا بو شهریده اماندی منی قویما بی معین آلام و محنته داخی یوخدور توان بابا سن اولماسان یتیمه قیزی یاده کیم سالار یوخدور آنامدا باری اولا همزبان بابا صغرا گوروب آتاسی مصممدی گتماقا عرض ائتدی ای عزیز حق لامکان بابا وئر لااقل اجازه بی بیم زینبه منیم قالسون یانیمدا فاطمیه روح و جان بابا یا اذن وئر گوزلریمون نوری اکبره اولسون مجاوریمده او سرو روان بابا گیتماق خیالی اولسا شبیه پیمبرین قالسون رقیه خواهر شیرین زبان بابا یثربده اگلشوب ایکی باجی فغانیله هجرونده آغلاروق گه عیان گه نهان بابا غم آتشینده یاندی شهنشاه تاجدار فرمایش ائتدی اولما قیزیم بیله اشگبار بیر بیله ائتمه آه و نوا آغلاما قیزیم جانیم بو اشگ و آهه فدا آغلاما قیزیم زندیق روزگار ستمله بو قلبیمی ائتدی نشان تیر جفا آغلاما قیزیم دُرّ ِ سرشگوی بو قدر ائتمه سلسبیل ای نو گل ریاض ولا آغلاما قیزیم مندن صورا مدینده چوخ غم یتر سنه گوندوز اولار گوزونده دجا آغلاما قیزیم صبر ایله بو محنده خدا صبر ایدنلری اجرین ائدر جزاده عطا آغلاما قیزیم منله گرکدی عازم اولا ایستیلرون بو امره وار رضای خدا آغلاما قیزیم کرب و بلا هواسی آلوب جان مشامینی سسلور بیزی دیار بلا آغلاما قیزیم عباس عمون بو لشگریمون سرسپاهیدور عازمدی نینوایه اودا آغلاما قیزیم طومار ابتلاده بیبون زینبین آدین ثبت ایلیوبدی جل علا آغلاما قیزیم خاصه شریک نهضت خونین عشقدور اول قهرمان کرب و بلا آغلاما قیزیم قبر رسول اکرمه دوشسه اگر یولون جدیم شبیهین ایله دعا آغلاما قیزیم گورم معاینه او داغلمیش جنازه سین آلمیش آرایه آل عبا آغلاما قیزیم تاب ایلمز باجون گئده اصغر بو شهریدن دلبسته دور رقیه اونا آغلاما قیزیم اوج سینیده دچار ائده جاق چوخ مصیبته شامون یولوندا زجر دغا آغلاما قیزیم صغرا خانم غمونده (( جوانی )) صباح وشام اشگین ائدر روان رخ زرده علی الدوام ****** موسی جوانی تبریزی برچسبها: موسی جوانی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
