|
احوالات ویرانسرای شام ویرانه ده زینب جگری یاندی کی یاندی اود دوتدی ولایت ثمری یاندی کی یاندی بیر گول کی خزان گورمیشیدی شام یولوندا قمچی یئری قالموشدی اونون ساق و صولوندا شمرین رسنی ردّینی سالموشدی قولوندا اود ووردولا قمچی اثری یاندی کی یاندی بیر غنچه کی زجرین اودی دامانینه دوشدی آشوب زمان سینه ی سوزانینه دوشدی قورخی گئجه گوندوز یورولان جانینه دوشدی غمدن او دم پُر شرری یاندی کی یاندی بیر گول کی اونون دامنینه اود سالوب اشرار نه اکبری قالموشدی نه عبّاس علمدار اولموشدی آتا باشی جدا باشینه زوار نی لرده ولا تاج سری یاندی کی یاندی بیر گول کی اونون زمزمه سی آه و فغاندور ویرانه ده یول گوزلوری از بس نگراندور خسته ئوزی ، اما قوناقی یوز گوزی قاندور چشم فلکین خوش نظری یاندی کی یاندی ویرانه ده ظلمت گئجه موج ائتدی غَسَق ده سس دوشدی گلون شاه باشی گلدی طبق ده گوزلر هامی غرق اولدی او دم پرتو حق ده غمدن او چولون در به دری یاندی کی یاندی اخذ ائتدی او باشدان ئوزونه توشه رقیّه دریای تمناسی گلوب جوشه رقیّه اگلشدی او باشی چکوب آغوشه رقیّه همّی ئوزی هم دور و بری یاندی کی یاندی سسلندی بابا گلدی باشون پیکرین هاردا؟ سویله گوروم عباس ادب پرورین هاردا؟ سن یاخشی بیلورسن دئ گوروم اکبرین هاردا؟ بیرسوز ، دئ ، رقیّه جگری یاندی کی یاندی بیلدون کی ربابین بابا جان قدّی بوکولدی اوچ شعبه لی بیر اوخ گوزونون یاشینی سیلدی بیلدون کی لب عطشان بالاسی ئولدی دیریلدی آری او چولون صود امری یاندی کی یاندی هاردیدون او صحراده قیامت گئجه سینده لشکر توکولن خیمیه غارت گئجه سینده طوفان گئجه سی ، خوف و اسارت گئجه سینده اود دوشدی ولا خیمه لری یاندی کی یاندی هاردیدون او صحراده ئورکلر ئویولاندا هاردیدون او چوللرده حرملر سویولاندا بابا هارا گئتدون خانم عمه م دویولاندا بو شامیده عشقین سحری یاندی کی یاندی یاز سنده (( مصیب )) بو عزاخانیه قربان بانی سوزه «قربانی» دی بو بانیه قربان قربان کسیلن پیکره ، قربانیه قربان شعرونده طراوت قمری یاندی کی یاندی ****** محمدعلی مصیبی تبریزی برچسبها: محمدعلی مصیبی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
