|
وداع حضرت اباعبدالله الحسین (ع) وقت او وقت اولدی خیمدن شاه عطشان آیریلا آز قالوبدور جسم زینبدن او دم جان آیریلا آلدی اطرافین خواتین حرم قیزلار تمام دل پریشان دیده گریان چهره لر فیروزه فام ایلیوب عطف نظر بیر بیر خواتینه امام دیلده مین حسرت چون ایستردی او سلطان آیریلا اوخشادوبلار خاتم انگشتره اول سروری دوره ایتمیش نچه بلبل شاخه نیلوفری گرچه اولماز آیرلوق بلقیس رولر باوری گوردولر اما مصمم دور سلیمان آیریلا اهل عصمت اهل عفت نچه بانوی عفیف خوف نامحرمدن اما دیلده وار ذکر خفیف زیر لب ورد زبان یا مستعان و یا لطیف بیزدن ایستور بار الها شاه خوبان آیریلا دل پریشان بو محندن عالم ناسوت دور هر بیری بو قیزلارین چون وجهه لاهوت دور عالم و آدم وداع شاهدن مبهوت دور آز قالوبدور عالم هستیدن ارکان آیریلا اوپدی القصه الیندن بانوان دل کباب مقدم شاهه دوشوب آئینه داران حجاب بولمورم قالدی نه احواله او ساعتده رباب آز قالوبدور جسملردن روح نسوان آیریلا گوز گوزه تیکموش خانم قیزلار اودم سلطانیله هر باخشدا مین حدیث غم دیئر جانانیله سالدیلار آخر یولا اول سروری قرآنیله نصّ قرآن باشی اوسته دوتدی قرآن آیریلا ذکر بسم اللهیله یول باشلیوب دور شهریار خیمه گردون جلالیله اولوب بیر آز کنار گوردی پشت سرده ناگه اسوه صبر و وقار زینبین آهیندن ایستور دیلده طوفان آیریلا ای منیم آمال قلبیم عزتیم شاه جهان گیتماقا ایتمه بیله تعجیل ایاق ساخلا دایان گورموسن قلبیمده واردور آیرلیقدان نه فغان قوی ئورگدن نچّه لحظه درد هجران آیریلا ای منیم عزت گولوم ترک بو گلزار ایلمه زینبی درد فراقیله گرفتار ایلمه بیر ایاق ساخلا حسینیم بیله رفتار ایلمه ایستمز سندن باجون بیر لحظه بیر آن آیریلا ایندی کیم زینب دچار فرقتون ایستور اولا اولما راضی قلبیمه اندوه عالملر دولا نچّه لحظه قوی گورون قارداش دوباره دوش یولا بلکه بو قلبیمدن اندوه فراوان آیریلا بیرده ویر رخصت بوغازوندان اوپوم ای شهریار ایلیوم بو فعل یم اوسته تا قیامت افتخار امر ایدوب بو بوسه یه زهرای اطهر اشکبار اوندا که ایستوردی مندن دیده گریان آیریلا صبریمون قورخوم بودور یخسون حصارین غصه لر یتدی قارداش غصه سی بو قلبیمه ایلور اثر قلبیم اوسته بو یدالله اللرون قویسان اگر قویمارام طوفان غمدن بحر عمان آیریلا قویدی زینب سینه سی اوسته یدالله اللرین باجی قارداش توکدی گوزدن اشک همچون گوهرین گرچه آیرلدی یولا سالدی خانم اوز دلبرین کیم دوزر جاندان مگر بیر لحظه جانان آیریلا گیتدی میدانه امام عزم ایتدی زینب خیمه نی بیر نچه لحظه صورا نه ظلم ایدوب شمر دنی گلدی میدانه خانم گوردی داغلموش گلشنی قارداشندان اولدی مجبور اول پریشان آیریلا سوز دایاندی بیر یئره یافاطمه قلبیم یانار قتلگاهین صحبتی قویماز ئورگلرده قرار سنده ختم ایله (( فغانی )) نوحه نی یازما قوتار قتلگهدن وار یئری صد چشمه قان آیریلا کربلاده اولموشوق بیر جمعیله مهمان اگر ظاهراً مهمان ولیکن زائران خون جگر (( آذری )) اولموش بو جمعه نوحه خوان و نوحه گر کربلادن گلمور اما دل که انسان آیریلا ****** حاج یحیی فغانی تبریزی برچسبها: یحیی فغانی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
