|
زبانحال امام (ع) در غم علی اصغر (ع) (سبک : احوالیمیز یاماندی ) یاندیم الهی قالدی عطشان بالام الیمده قرآن یولوندا اولدی قربان بالام الیمده یاندی علی سوسوزدان آرتدی ز بس حرارت سو اولمادی بالامدان اولدوم بو گون خجالت گتدیم اونی منایه سیراب ائدم بو ساعت دوتموشدی اود سوسوزدان نالان بالام الیمده ئوز کوفیانه دوتدوم بیر خطبه ائتدیم ایراد رحم ایلیون دئدیم ای اشرار پست بنیاد ئولدی بالام سوسوزدان اودلاندی رکن ایجاد یاخشی باخون دوشوبدی جاندان بالام الیمده لرزه او صحنه قلب عدوانه سالدی ناگه اشراریدن هیا هو عرشه اوجالدی ناگه دلدن ولی قراریم اوچ پر اوخ آلدی ناگه گؤردوم باتوبدی قانه گریان بالام الیمده اوخ دگدی حنجریندن چون سیل قان سوزولدی آغ دوشلوک اوسته آخدی قان لخته سی دوزولدی اوخ اننی حلق نازوک بیردن بوغاز اوزولدی مثلی قیزیل گول اولدی الوان بالام الیمده بو داغ چو داغ اکبر آسان منه دگولدی فکر ایلورم بالام بو سرّ نهانی بیلدی حلقیندن اوخ دگنده باخدی حسینه گولدی جانانه وئردی جانین خندان بالام الیمده (( غمکش )) سنون بو غمده اولموش غمون زیاده صبح و مسا گلورسن آه و فغان و داده یاز نوحه لر اوخونسون هر مجلس عزاده یاز حق یولوندا اولدی قربان بالام الیمده ****** مرحوم غمکش برچسبها: عبداله رضایی غمکش
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
